Gizartea
EZBEHARRA
Emakume bat hil da Zallan farola batek azpian harrapatuta, ibilgailu batek haren aurka talka egin ondoren
EITB MEDIA
Ezbeharra astearte gauean gertatu zen Zallan, auto bat galtzadatik atera eta farola baten kontra talka egin ondoren. Farola espaloian zihoan emakume baten gainera erori zen. Ibilgailuaren gidariak ez zeraman gidabaimenik eta alkoholaren eraginpean gidatzen zuen.
Emakume bat hil zen Zallan astearte honetan, auto bat galtzadatik atera eta farola baten kontra talka egin ondoren. Farola espaloian zihoan emakume baten gainera erori zen. Ezbeharra 23:00ak aldera gertatu zen, Orive auzoan.
Larrialdi-zerbitzuak istripuaren tokira gerturatu ziren, baina ezin izan zuten ezer egin bizia salbatzeko.
67 urteko biktima Bilboko Patologia Forentseko Zerbitzura eraman zuten, eta berarekin zegoen pertsona ospitale batera eraman behar izan zuten, antsietate-krisi baten ondorioz.
Ezbeharraren ondoren, Ertzaintzako agenteek ibilgailuko gidaria atxilotu zuten, 25 urteko gizonezko bat. Bide-segurtasunaren aurkako ustezko delitua eta uhurtziagabekeriazko hilketa egotzi diote. Gainera, gazteak ez zeraman gidabaimenik eta alkoholaren eraginpean gidatzen zuen.
