Gizartea
SANFERMINAK 2022
Emakume batek bortxatu egin dutela salatu du sanferminetan
EITB MEDIA
Iruñeko alkateak aurreratu duenez, bortxaketa joan den larunbatean gertatu zen Mendillorri auzoan. Halaber, Iruñerriko talde feministak elkarretaratzea deitu du biharko Gazteluko Plazan 17:30ean gertatutakoa salatzeko.
Bideoak (1)
Informazio gehiago (1)
Enrique Maya Iruñeko alkateak ezagutzera eman duenez, emakume batek San Fermin jaietan bortxatu egin dutela salatu du. Aurreratu duenez, bortxaketa joan den larunbatean, hilaren 9an, gertatu zen Mendillorri auzoan. Halaber, Iruñerriko talde feministak elkarretaratzea deitu du biharko Gazteluko Plazan 17:30ean gertatutakoa salatzeko.
Iruñeko Udaleko Bozeramaile Batzordeak adierazpen bat onartu du erasoarekiko "gaitzespen irmoa" azaldu eta emakumeari nahiz haren ingurukoei babesa eta elkartasuna eskaintzeko. Halaber, haren eskubideak eta intimitatea gorde eta errespetatzeko dei egin dute, eta, eraso sexisten aurkako borrokarekiko konpromiso irmoa eta emakumeentzako hiri aske baten aldeko apustua berretsi ondoren, gertatutakoa salatzeko egingo diren deialdiekin bat egiteko deia luzatu du.
Bestalde, Iruñerriko mugimendu feministak eta herri mugimenduak elkarretaratzea deitu dute astearte honetarako, uztailaren 12rako, Gazteluko plazan 17:30ean sanferminetan izandako erasoen aurrean "gaitzespena" adierazteko.
Nafarroako Gobernuak ere bere gaitzespena agertu du salaketaren aurrean, eta biktimari eta haren familiari babesa eta elkartasuna helarazi die. Era berean, Foru Gobernuak "adierazpen matxista ororen aurka borrokatzeko konpromiso irmoa" adierazi du, eta herritarrei dei egin die gaitzespen elkarretaratze guztietan parte hartzera.
Aurten ere Iruñeak eraso sexisten biktimei informazioa, sentsibilizazioa eta laguntza emateko gune bat du sanferminetan; izan ere, beste behin Udalak arreta berezia jarri nahi izan du eraso sexistak saihesteko.
Sanferminetan eraso sexuala salatu da, ¿¿¿ gainera hainbat abusu sexista eta sumisio kimiko izan dira.
— Iruñerriko Mugimendu Feminista (@IrunerrikoMF) July 11, 2022
A S K I D A !
Iruñerriko mugimendu feministatik dei egiten dugu mobilizazio zaratatsuan ¿¿¿ parte hartzera, zatoz zure lapiko, txilibitu...
ERASO SEXISTARIK EZ! ¿¿ pic.twitter.com/P5rJGL2fcn
