Paueko Auzitegiak atzera bota du Euskal Hirigune Elkargoak pisu turistikoak mugatzeko onartu zuen araudia
Paueko Auzitegiak bertan behera utzi zuen atzo iluntzean, Ipar Euskal Herriko egitura administratibo gorena den Euskal Hirigune Elkargoak bizitegi turistikoak arautzeko onartu zuen konpentsazio sistema. Araudiaren helburua etxebizitza turistikoen hazkundea mugatzea zen, eta horretarako, hainbat baldintza ezartzen zizkien etxebizitza turismo merkatura atera nahi zuten jabeei. Zorrotzena, agian, pisu edo etxebizitza bat turismora bideratu nahi duenak urte osoko alokairura atera behar duela beste etxebizitza bat.
Elkargoak martxoan onartu zuen neurria Ipar Euskal Herriko 22 herritarako; Lapurdi kostako herri guztiak, tartean, eta aste honetan, ekaineran 1ean, sartu zen indarrean. Etxejabeen Kolektiboak salaketa aurkeztu zuen neurriaren kontra, eta Paueko Auzitegiak arrazoia eman die orain azken horiei.
Araudia bertan behera geratu eta gero, urgentziazko prentsaurrekoa eskaini zuten atzo iluntzean elkargoko arduradunek euren haserrea adierazteko eta helegitea aurkeztuko dutela jakinarazteko.
Jean Rene Etchegaray Baionako auzapez eta Euskal Hirigune Elkargoko lehendakariak esan zuen "kataklismoa" dela Pauko Auzitegiaren erabakia.
Etxegarairen hitzetan, "irabazi hutsa helburu hartuta, azken bi urteetan etxebizitzen esplotazioan" aritu diren higiezinei eman die arrazoi Auzitegiak eta iragarri zuen Elkargoak astelehenean bertan jarriko duela helegitea Frantziako Estatu Kontseiluan. Hori bai, hilabeteak beharko dira erakunde horrek ebazpena emateko, eta bien bitartean, orain bezala jarraituko du egoerak.
Euskal Elkargoko ordezkariek larunbat honetan egindako bileran berretsi dutenez, "atsekabetuta eta harrituta" daude erabakiarekin eta epaileek ez dutela "interes orokorra" kontuan hartu uste dute.
Beste hainbat eragile ere Auzitegiaren ebazpenaren aurka agertu dira. EH Baik salatu du "herritarrek bertan bizitzeko duten eskubidea urratzen" duela erabakiak eta Alda mugimenduak, berriz, "etxebizitzaren lobbyarekin bat egitea" leporatu dio Auzitegiari.
CONTENIDO NO ENCONTRADO
Iparraldeko etxebizitzen ia herena bigarren etxebizitzak dira eta hutsik daude
Etxebizitzaren inguruko auzia arazo garrantzitsu bihurtu da azken urteetan Ipar Euskal Herrian, kostaldeko herrietan, batez ere. Gaur, hain zuzen ere, Herrian Bizi plataforma sortzeko Biltzar Nagusia egingo dute Hiriburun, eta sortze-ekitaldia etxebizitzaren gaiaz gogoeta egiteko baliatuko dute. 30 bat eragilek hartu dute parte bileran eta plataforma eratzeaz gain, kontzentrazioa deitu dute asteazkenean, Euskal Hirigune Elkargoaren egoitzaren aurrean, konpentsazio-araudiari babesa agertzeko.
Hainbat mugimendu izan dira etxebizitzaren gaiarekin azken urtean. Euskal Hirigune Elkargoak tokiko lehen etxebizitza plana onartu zuen iazko apirilean, etxebizitza sozialak bultzatzeko, besteak beste. Azaroan, berriz, 8.000 lagun atera ziren kalera Baionan, Iparraldeko etxebizitzen ia herena bigarren etxebizitzak direla salatzera. Eta aurten, Euskal Hirigune Elkargoak bost urte bete dituenean, lurraldearen garapenerako lehentasunak etxebizitza eta hezkuntza izan behar direla adierazi zuten biltzar nagusian.
Albiste gehiago gizartea
Txirrindulari bat hil da Mendiben izandako istripu batean
29 urteko txirrindularia 60 metroko amildegi batetik erori da Burdinkurutzetako mendatearen jaitsieran.
Bost urtetik gorako espetxe zigorra ezarri diote gizon bati Gipuzkoan, bikotekideari sexu-abusuak egiteagatik
Fiskaltzak 16 urte baino gehiagoko zigorrak eskatu zituen baina, epaiaren arabera, biktimak ez zuen "behar bezala egiaztatu" sexu-harremanekin jarraitzeko baimena ukatu izana.
Donostiako Ondarretako hondartzako harriak kenduko dituzte astelehen eta astearte gauean
Harriak garbitu ondoren, hondarra hondartzara eramango dute. Kalkuluen arabera, 14.600 metro kubiko harri inguru daude hondartzan, eta horietatik 10.000 metro kubiko inguru kendu dira.
Baliteke Euskadin banatutako Fontaneda markako galleta-sorta batek metal partikulak izatea
Enpresak alertaren berri eman die agintariei, dendetatik lehenbailehen kendu ditzaten. Elikagaien segurtasunerako agentziak azken egunetan erositako Pim's motako galletak ez jateko gomendatu du.
Palestinara laguntza helarazteko ontzidiari babesa emateko ekintzak antolatu dituzte Euskadin eta Nafarroan
Helburua itsas korridore bat irekitzen saiatzea da, ahal den laguntza humanitario guztia sartu ahal izateko eta Gazan dauden eta herrialdea uzteko beharra duten pertsona guztiak atera ahal izateko. Lau euskal herritar joango dira Bartzelonatik abuztuaren 31n aterako diren ontzi horietan.
Gizon bat birritan atxilotu dute astebetean, zazpi ibilgailu erre dituelakoan, Getxon
Beharrezko polizia-eginbideak amaitu ondoren, epailearen esku utziko dute. Poltsikoan hiru metxero zeramatzala harrapatu zuten.
Familien Legeak urte eta erdi darama Kongresuan, ez aurrera ez atzera
2024ko otsailean onartu zuen Ministroen Kontseiluak familia mota desberdinak legez berdindu eta gizarte-babesa hobetzeko legea. Ordutik, zuzenketak aurkezteko 50 luzapen baino gehiago onartu dira. Momentuz ez da jarri lehen eztabaida egiteko datarik.
Egoera hobetu da, baina 15 sute aktibo daude oraindik, eta su gehiago pizteko arriskua handia da
Egoerak geldiro-geldiro egin du hobera. Izan ere, Espainiako zenbait probintziatan suteak oraindik itzali gabe daude, horietako batzuk dagoeneko kontrolatutzat jo dituzten arren.
Gaztela eta Leonen baso-suteen aurkako hirugarren astea dute
Sei sutek larritasun maila gorenean jarraitzen dute, eta bi igande honetan bertan piztu dira. Azken egunetako bilakaera positiboari esker kontrolpean hartu dituzte beste sei. Hala ere, tenperaturen igoerak, hezetasunaren murrizketarekin eta haizearekin batera, egoera zailtzen du berriro.
Gaztela eta Leoneko suteak larritasun-maila gorenekoak dira, bilakaera positiboa izan arren
Baso-sute kezkagarrienen artean, bost Leonen dira. Asturiasen, aldiz, egonkortu dituzte hiru sute handienak.