Itxi

Gizartea

Igerilekuak

Gasteizko igerilekuek pandemia aurreko funtzionamendua berreskuratuko dute uda honetan

EITB Media

Mendizorrotza eta Gamarrako igerilekuetan ez da beharrezkoa izango aldez aurretik hitzordua eskatzea, ez da osasun-arrazoiengatik edukiera-mugarik egongo, ezta gehieneko egonaldi-orduen mugarik ere.

  • Gamarrako igerilekua. Argazkia: Angel Perez.

    Gamarrako igerilekua. Argazkia: Angel Perez.

Mendizorrotzako eta Gamarrako Gasteizko udal igerilekuek pandemiaren aurreko funtzionamendua berreskuratuko dute uda honetan; beraz, ez da beharrezkoa izango aldez aurretik hitzordua eskatzea, ez da osasun-arrazoiengatik edukiera-mugarik egongo, ezta gehieneko egonaldi-orduen mugarik ere.

Halaber, bere garaian kutsatzeak prebenitzeko segurtasun-distantzia gordetzea xede zuten zirkuluak ere desagertuko egingo dira, eta barruko aldageletan eta dutxetan edukiera mugak kenduko dira; iaz edukieraren % 35ean bakarrik erabil zitezkeen.

Mendizorrotza zabalik egongo da maiatzaren 27tik irailaren 18ra; Gamarra, berriz, ekainaren 3an zabalduko dute, eta irailaren 11n itxi. Ordutegia berbera izango da bi instalazioetan, 08:00etatik 22:00etara, Udalak prentsa-ohar baten bidez jakinarazi duenez.