Itxi

Gizartea

Trafikoa

Sei ibilgailuren arteko istripu batek auto-ilarak eragin ditu Txorierrin

Mikel Dominguez | EITB Media

Talkan pertsona bat arin zauritu da N-637 errepidean, Sondikan. Goiz korapilatsuaren ondotik, 10:30erako, zirkulazioak normaltasuna berreskuratu du.

0:39
Auto pilaketak Txorierriko korridorean. EiTB Mediaren bideo batetik ateratako irudia.

Bideoak (1)

Sei autoren arteko istripu batek 5 kilometroko auto-ilarak eragin ditu N-637 errepidean, Sondikan (Bizkaia). Talkaren ondorioz, pertsona bat arin zauritu da, eta Gurutzetako Ospitalera (Barakaldo) eraman dute.

Sei autok talka egin dute Txorierriko korridorean, Galdakaorako noranzkoan, eta 5 kilometroko auto-ilarak sortu dira norabide berean, Erandioko Arrontegi zubitik Sondikara, baita trafiko arinagoa ere Artatzako errepidean, Leioan, eta A-8an, Barakaldo parean.

10:30erako, zirkulazioak normaltasuna berreskuratu du.

Gainera, N-1 errepidean, Villabona parean (Gipuzkoa), bi autoren arteko talkak 5 kilometroko auto-ilarak eragin ditu, Irunerako noranzkoan. Dagoeneko konponduta daude.

    • © EITB - 2024 - Pribatutasun Ataria - Lege Oharra - Cookien erabilera - Cookien konfigurazioa - Gardentasuna - Kontaktua - Web mapa

    #-ent_adh_conf_online-#