Gizartea
nafarroa
Sutea izan da Barañainen, eta eraikina hustu behar izan dute
agentziak | eitb media
Gainkarga batek eragindako zirkuitulaburrak piztu du sua, antza. Ez da zauriturik izan, baina eraikineko bizilagunak bertatik atera dituzte, aldi baterako.
-
Sutea izan den eraikina. EITB Mediaren bideo batetik hartutako irudia.
Sutea izan da larunbat goizaldean Barañaingo Etorbide Zentralean. Ez da zauriturik izan, baina etxebizitza-blokeko bizilagunak atera behar izan dituzte.
Barañaingo Udaltzaingoak jakinarazi duenez, Etorbide Zentraleko 20 zenbakiko lehen pisuan hasi da sutea. Une horretan, ez zen inor etxean.
Antza, gainkarga batek eragindako zirkuitulaburrak piztu du sua, suhiltzaileek adierazi dutenez.
Incendio de una habitación en Barañain, sin heridos.
— Bomberos y Bomberas – Suhiltzaileak (@bomberos_na) April 16, 2022
Barañaingo gela bateko sutea. Ez dago zauriturik
En el lugar @PamplonaIrunaPM #SVB @bomberos_na Parque de Cordovilla pic.twitter.com/F8Ya59MV6F
Suak piztu den logela kaltetu du lehendabizi, eta keak etxebizitzako gainerako gelei eragin die gero. Badaezpada, bloketik atera dituzte bizilagunak. Poliziaren arabera, laster itzuliko ahal izango dira euren etxebizitzetara.
Bi suhiltzaile-kamioi, anbulantzia bat eta Barañaingo Udaltzaingoa bertaratu dira tokira.
