Gizartea
trafiko istripua
Oinezko bat hil da auto batek harrapatuta, N-634 errepidean, Zornotza parean
agentziak | eitb media
69 urteko biktima larunbat gauean zendu zen, unean bertan, pairatutako lesioen ondorioz.
Oinezko bat, 69 urteko gizona, hil zen larunbat gauean N-634 errepidean, Zornotza (Bizkaia) parean, auto batek harrapatuta. Hala jakinarazi du Eusko Jaurlaritzako Segurtasun Sailak.
21:00ak aldera gertatu zen istripua. N-634 errepidetik zihoan turismo batek oinezkoa azpian harrapatu zuen, eta istripuaren nondik norakoak ikertzen ari dira orain.
Biktima unean bertan zendu zen, pairatutako lesioen ondorioz, osasun langileek hura salbatzeko egindako alferreko saiakeren ostean.
