Gizartea
gertakaria
50 urteko gizon bat atxilotu dute Etxebarrin, hogei bat edukiontzi erretzeagatik
agentziak | eitb media
21 edukiontzi erre dituzte larunbat goizaldean Bizkaiko udalerri horretan. Suhiltzaileek itzali dituzte suak, eta ez dute kalterik eragin gainerako hiri-altzarietan zein ondasun partikularretan.
-
Erretako edukiontzietako bat. Argazkia: Etxebarriko Udala (@EtxebarriBizi)
Ertzaintzako zenbait kidek, Etxebarriko Udaltzaingoarekin elkarlanean, 50 urteko gizon bat atxilotu dute azken orduetan, larunbat goizaldean ustez 21 edukiontzi erre izanagatik.
Eusko Jaurlaritzako Segurtasun Sailak jakinarazi duenez, goizaldeko 05:00ak eta 07:15ak bitarte, 21 edukiontzik sua hartu dute elkarrengandik hurbil zeuden Etxebarriko (Bizkaia) zenbait kaletan. Suhiltzaileek itzali dituzte suak, eta ez dute kalterik eragin gainerako hiri-altzarietan zein ondasun partikularretan.
Goizeko 08:00ak aldera gizon bat arkitu dute San Antonio kalean, biztanle batek suteen ustezko egileari buruz emandako deskribapenarekin bat egiten zuena, eta identifikatu dute.
Barbakoa pizteko pastilla kutxa eta pizgailu bat zeramatzan gizonak, eta ustezko kalte delituagatik atxilotu dute. Atxilotua, 50 urteko gizona, epailearen esku utziko dute poliziak dagozkion izapideak burutu ondoren.
