Txertoa jaso ez duten gertuko kontaktuek ere berrogeialdirik ez egitea aztertuko dute

agentziak | eitb media

Publikatuta: 2022/02/26 20:56 (UTC+1) Azken eguneratzea: 2022/02/26 20:56 (UTC+1)

Neurri horrek bereziki 5 eta 11 urteko haurrei egingo lieke mesede, txertaketa tasa baxua baita adin tarte horretan.

Haur-txertaketa. Argazkia: Efe

Whatsapp
Whatsapp
telegram
twitt
Bidali
Esteka kopiatu

Albisteak (4)

Hiru kasu baino gehiago atzeman arte ez legoke berrogeialdirik Euskadiko eskoletan
Covid-19ak eragindako ospitaleratzeak 100dik jaitsi dira Nafarroan, hildakorik izan ez den egun batean
EAEko umeen laurdenak covid-19aren kontrako bigarren dosia jaso dute

Covid-19aren seigarren olatuaren eraginak behera egin du Euskadin, kasu eta ospitaleratze gutxiago baitaude

Espainiako Osasun Ministerioak eta erkidegoek COVID-19 positiboen gertuko kontaktuek, txertatuta egon ala ez, berrogeialdirik ez egitea proposatuko dute Osasun Publikoaren Batzordean, Europa Press agentziak Ministerioko iturriak aipatuta zabaldu duenez.

Berrogeialdiak jada ez dira derrigorrezkoak txertoa jaso dutenentzat, baina kasu positiboarekin harremana izan eta hurrengo 10 egunetan etxetik kanpoko jarduerak mugatzeko eta musukoa "etengabe" erabiltzeko gomendioarekin.

Hori horrela, eta Espainiako Estatuan 12 urtetik gorakoen % 91,1 txertatuta dagoelarik, neurri berriak 5 eta 11 urte arteko haurrei egingo lieke mesede, oraindik txertatze tasa baxua baita adin tarte horretan.

Kontuan izan osasun agintariek koronabirusaren aurrean eman dituzten aholkuak. Gaitzaren sintomarik baduzu, EAEn bizi bazara, osasun-zentrora deitu, eta zalantzarik izatekotan, Osasun Batzordearen telefonoa duzu eskuragarri: 900 20 30 50. Nafarroan bizi bazara, berriz, Osasun Batzordearen telefonora dei dezakezu: 948 290 290. Gogoratu covid-19a ez hedatzeko modurik eraginkorrena musukoa erabiltzea, espazioak aireztatzea, segurtasun-distantzia gordetzea eta eskuak sarri garbitzea dela.