Hildako bat eta 1.265 positibo zenbatu dituzte Nafarroan

Azken orduetan pertsona bat hil da covid-19ak jota Nafarroan. Atzo, igandea, 1.255 koronabirus kasu zenbatu zituzten Nafarroan, Foru Gobernuak astelehen honetan zabaldutako datuen arabera. Duela astebete baino 120 kutsatze gutxiago (1.385) eta duela bi baino 1.081 gutxiago dira.

Guztira 2.207 proba egin zituzten, eta positibotasuna % 57,3koa izan zen.

Gainera, 11 pertsona ospitaleratu dituzte, horietako bat ZIUn. Guztira, 276 pertsona daude covid-19agatik ospitaleratuta, horietatik 33 ZIUn.

Txertaketari dagokionez, atzo 2.422 dosi eman zituzten Nafarroan, eta pauta osoan dutenak 543.517 dira jada.

Javier Remirez Nafarroako Gobernuko presidenteordeak atzo egindako adierazpenen arabera, koronabirusaren kutsatze kopuruan izaten ari den beherakadak pandemiaren seigarren olatutik "ateratzeko mugan" jarri du Foru Erkidegoa.