Ume lapurtuak
Kaltetuei babesa
Eudelek ume lapurtuen auzian laguntzeko eskatu die udalei
Erredakzioa
Auzi honen inguruko berriek eragindako "alarma soziala" dela eta, "botere publikoek ezin dutela entzungor egin" ohartarazi du Eudelek.
-
Ume lapurtuen auziaren harira hilobi bat ireki dute Galdakaon. Argazkia: EITB
Ohar batean, joan den martxoaren 15ean auzi honen inguruan elkartasuna erakutsi eta beste erakunde batzuekin kolaboratzeko nahia erakusten duen agiria onartu zutela jakinarazi du elkarteak, kaltedunek "egia jakiteko duten eskubidea bermatzeko" helburuarekin.
Eudeleko ordezkariak azken asteetan auziaren nondik norakoak ezagutzeko SOS Ume Lapurtuen Elkartearekin bildu dira azken asteetan.
Auzi honen inguruko berriek eragindako "alarma soziala" dela eta, "botere publikoek ezin dutela entzungor egin" ohartarazi dute eta adostutako idatzian udalei beste erakunde batzuekin "kolaboratzeko" eskatzen zaie, batik bat, Eusko Legebiltzarrak eratu duen ikerketa batzordeari laguntzeko dei egiten die.
Halaber, herrietan izandako klinika pribatuen inguruko agiriak helarazteko bidea errazteko eskatu du Eudelek, baita auziaren baitan elkarteek eta kaltedunek aurkeztutako eskaeren inguruko izapideak azkartzeko ere.
