Gizartea
KORONABIRUSA
Gasteizko Udalak Errege Magoen Kabalgataren ibilbidea aldatu du segurtasun neurriak betetzeko
AGENTZIAK| EITB MEDIA
Erdigunetik urrundu da, 700 metro gehiago izango ditu eta Herrandarrak eta Gasteiz hiribidea zeharkatuko ditu Justizia Jauregiaren ondoan amaitzeko.
-
Olentzeroren aurtengo desfilea Gasteizen. Argazkia: EFE
Gasteizko Udalak urtarrilaren 5eko Errege Magoen Kabalgataren ibilbidea aldatu du. 19:00etan hasiko da, Herrandarren kalean, Jesus Guridiren bidegurutzean, eta Los Herran, Errege Katolikoak, Simon de Anda, Basoa eta Gasteiz hiribidetik igaroko da, Justizia Jauregiaren ondoan amaitzeko.
Udalak ohar batean nabarmendu duenez, ibilbide berria kale zabalagoetatik igaroko da, Zabalgunetik urrun, eta ohiko trazadura baino 700 metro gehiago izango ditu.
"Aldaketa horiek segurtasun-neurriak betetzea erraztuko dute, distantziak gordetzeari eta pertsonen pilaketak saihesteari dagokionez", azpimarratu dute Udaletik.
Bestalde, gogorarazi du ez dela gozokirik botako, eta gogorarazi du maskara nahitaez erabili behar dela "une oro".
Azkenik, herritar guztien laguntza eskertu du, "Meltxor, Gaspar eta Baltasarren magia hiriko haurrengana irits dadin".
