Gizartea
Koronabirusa
Omikron aldaerarekin kutsatutako pertsonen kontaktuek koarentena egin beharko dute
AGENTZIAK | EITB MEDIA
Orain arte, covid-19aren aurkako txertoaren pauta osoa hartuta dutenek ez zuten berrogeialdirik egin behar positibo baten kontaktu estua izan arren. Alabaina, Osasun Ministerioak irizpideak zorroztea erabaki du, omikron aldaeraren hedapena dela eta.
-
Gizon bat PCR proba egiten. Artxiboko argazkia: EFE
Koronabirusaren omikron, beta edo gamma aldaerarekin kutsatutako pertsonen kontaktuek koarentena egin beharko dute, nahiz eta covid-19aren aurkako txertoaren pauta osoa jarrita izan.
Espainiako Osasun Ministerioak pandemiari aurre egiteko estrategiaren irizpideak biltzen dituen dokumentua eguneratu du gaur, omikron aldaera munduan zabaltzen ari dela ikusita.
PCR proban aldaera horren baieztapena berehalakoa izaten ez dela ohartarazita, "kasu susmagarri guztiak" koarentenan jartzeko agindua eman dute.
Orain arte, txertoaren pauta osoa hartuta duten herritarrek ez zuten berrogeialdirik egin behar positibo baten kontaktu estua izan arren. Aurrerantzean, baina, irizpide horrek ez du baliorik izango omikron, beta eta gamma aldaerei lotutako kasuetan.
