Gizartea
Migrazio krisia
Aita Mari Mediterraneo erdigunera bidean da misio humanitario batean
agentziak | eitb media
SMH gobernuz kanpoko erakundeak salatu du "okertu" egin dela migrazio krisia azken urtean, 2020 osoan halako bi migratzaile hil direlako dagoeneko 2021ean.
-
Aita Mari. Argazkia: SMH
Aita Mari erreskate itsasontziak Burrianako (Castello) portua utzi du eta Mediterraneo erdigunera abiatuko da gaur arratsaldean, ontziaren edukiera 120 pertsonatik 150era igotzeko erreforma lanak egin ostean.
SMH gobernuz kanpoko erakundeak jakinarazi duenez, euskal atunontzia misio humanitario berri batera bidean doa.
Itsasontziaren azterketak egiten aritu dira azken hiru hilabeteetan edukiera handitzeko eta uretan pertsona gehiago erreskatatu ahal izateko.
Urteroko mantenu prebentzio neurriak ere egin dituzte, egiaztagiriak berritu eta itsasoko agintarien ikuskaritza gainditu du. SMHk jakinarazi du horri esker erreskate misioak egiten jarraitu ahal izango duela.
Gobernuz Kanpoko Erakundeak salatu du "okertu" egin dela migrazio krisia azken urtean, 2020 osoan halako bi migratzaile hil direlako dagoeneko 2021ean.
Itsas Salbamenduak gogor gaitzetsi ditu berehalako itzulketak eta indarrez egindakoak, Libian eta Grezian kostazainek egin dituztenak, milaka pertsona "arrisku eta trauma konponezin egoeran" uzten dituztelako.
