Gizartea
NOBEL SARIAK
Medikuntzako Nobel saria David Julius eta Ardem Patapoutianentzat, tenperatura eta ukimen hartzaileengatik
AGENTZIAK | EITB MEDIA
Julius eta Patapoutian ikertzaile estatubatuarrek partekatuko dute 2021eko Medikuntzako Nobel saria. Beroak, hotzak eta ukimenak nerbio sisteman nola eragin dezakeen azaltzea lortu dute.
-
Julius eta Patapoutian, 2021eko Medikuntzako Nobel Sariaren irabazleak. Argazkia: @NobelPrize
David Julius eta Ardem Patapoutian ikertzaileek irabazi dute 2021eko Medikuntzako Nobel saria, tenperaturaren eta ukimen hartzaileen alorrean egindako aurkikuntzengatik, Stockholmeko Karolinska Institutuak astelehen honetan jakinarazi duenez.
Aurkikuntza horien arduradunen esanetan, beroak, hotzak eta ukimenak nerbio sisteman nola eragin dezaketen azaltzea lortu dute.
David Juliusek kapsaizina, txile piperretan dagoen osagai mina, erabili zuen beroari erantzuten dioten azaleko sentsore bat identifikatzeko. Ardem Patapoutianek, bere aldetik, presioarekiko sentikorrak ziren zelula batzuk erabili zituen sentsore mota berri bat aurkitzeko, hain zuzen ere, azaleko eta barne organoetako estimulu mekanikoei erantzuten dietenak.
Medikuntzako sariaren irabazlearen ostean, Fisikako, Kimikako, Literaturako, Bakearen eta Ekonomiako Nobel saridunen berri emango dute datozen egunotan.
BREAKING NEWS:
— The Nobel Prize (@NobelPrize) October 4, 2021
The 2021 #NobelPrize in Physiology or Medicine has been awarded jointly to David Julius and Ardem Patapoutian “for their discoveries of receptors for temperature and touch.” pic.twitter.com/gB2eL37IV7
