Positiboen gorakada txikia izan da Nafarroan, 25 kutsatze berri zenbatuta

I. R. | EITB MEDIA

Publikatuta: 2021/09/28 08:46 (UTC+2) Azken eguneratzea: 2021/09/28 15:03 (UTC+2)

Tuteran erregistratu dute kasu gehien, 5, eta Beran, Cintruenigon, Iruñean eta San Martin Unxen bina zenbatu dituzte.

Gazte bat PCR proba bat egiten Iruñean. Argazkia: EFE.

Whatsapp
Whatsapp
telegram
twitt
Bidali
Esteka kopiatu

Albisteak (1)

Zubia: "Txertatu zaretenoi eta neurriak bete dituzuenoi esker lortu dugu pandemiaren kontrola egokia izatea"

Apur bat gora egin du Nafarroan azken orduetan atzemandako kutsatzeen kopuruak, 25 positibo erregistratu baitituzte, igandean baino zortzi gehiago, Foru Gobernuak emandako behin-behineko datuen arabera. Horrela, irailaren 20an beste erregistratu dituzte. Ordutik, 20tik behera zenbatu dituzte ia egunero.

Ez da hildakorik izan astelehen honetan eta bai hiru ospitaleratze, bat ZIUn. Gaur egun 38 pertsona daude ospitaleratuta, horietatik 11 ZIUetan.

Tuteran erregistratu dituzte kasu gehien, 5, eta Beran, Cintruenigon, Iruñean eta San Martin Unxen bina zenbatu dituzte.

Txertaketari dagokionez, astelehenean 1.534 dosi eman zituzten. Hala, administratuen kopurua 978.819koa da, eta jarraibide osoa 513.498 pertsonak dute.

Joerak bide horretatik jarraitzen badu, urriaren 1etik aurrera koronabirusaren hedapena geldiarazteko ezarritako neurri murriztaileak arintzea aurreikusi du Foru Gobernuak.

Kontuan izan osasun agintariek koronabirusaren aurrean eman dituzten aholkuak. Gaitzaren sintomarik baduzu, EAEn bizi bazara, osasun-zentrora deitu, eta zalantzarik izatekotan, Osasun Batzordearen telefonoa duzu eskuragarri: 900 20 30 50. Nafarroan bizi bazara, berriz, Osasun Batzordearen telefonora dei dezakezu: 948 290 290. Gogoratu covid-19a ez hedatzeko modurik eraginkorrena musukoa erabiltzea, espazioak aireztatzea, segurtasun-distantzia gordetzea eta eskuak sarri garbitzea dela.