Kutsatzeak egonkor daude Nafarroan, 11. egunez 30eko langatik behera

Nafarroan 17 koronabirus kasu atzeman dituzte azken orduetan, Foru Gobernuak emandako datuen arabera.

11. egunez jarraian geratu dira 30 positiboren langatik behera, eta larunbatean zenbatutakoak baino bat gehiago baino ez da izan. Duela astebeteko datuekin alderatuta, zazpi gehiago dira, baina duela 14 egun baino 22 gutxiago.

Atzo 814 test egin ziren eta positibitate-tasa %2,1eakoa izan zen, aurreko egunetan baino zertxobait altuagoa. 

Udalerrietako edo osasun guneetako datuei erreparatuta, Beran zenbatu dituzte kutsatze gehien, lau, hain justu. Burgin, aldiz, hiru positibo berri izan dira. Antsoainen eta Tuteran (Ekialdea) bina kasu hauteman dituzte.

Atzo ez zen inor ospitaleratu beharrik izan koronabirusak eragindako konplikazioengatik; halaber, erietxeetan dauden covid-19 gaixoak murriztu egin dira, 39tik 38ra. ZIUtan halere, 13 gaixo daude oraindik, azken sei egunetan mantendu da kopuru bera. 

Ospitaleetako presioa ere arintzen ari da. 38 lagun zeuden ostiralean Nafarroan ospitaleratuta covid-19agatik (bezperan baino 4 gutxiago), horietako 13 ZIUn.

Joerak bide horretatik jarraitzen badu, urriaren 1etik aurrera koronabirusaren hedapena geldiarazteko ezarritako neurri murriztaileak arintzea aurreikusi du Foru Gobernuak.