Gizartea
Koronabirusa
Erresidentzietako adinekoei covid-19aren aurkako txertoaren hirugarren dosia jarriko zaie
AGENTZIAK | EITB MEDIA
Halaber, hirugarren dosia jasoko dute beste hainbat pertsona zaurgarrik, tartean minbizia duten pazienteek.
-
Adineko emakume bat txertoa jasotzen, Hondarribiako egoitza batean. Artxiboko argazkia: EFE
Erresidentzietan bizi diren adineko pertsonei covid-19aren aurkako txertoaren hirugarren dosia berehala ematen hasiko dira. Hala erabaki dute ostegun honetan Osasun Publikoaren Batzordean.
Halaber, txertoaren hirugarren dosia jasoko dute hemodialisia edo peritoneoko dialisia duten pazienteek, minbizia dutenek, Down sindromea duten 40 urtetik gorako pertsonek eta kimioterapia edo erradioterapia hartzen ari direnek.
Horrez gain, transplanteak jaso dituzten pertsonei eta covid-19aren aurkako sendagaiekin tratamenduan dauden pazienteei ere hirugarren dosia emango zaie, medikuaren baimena izanez gero.
