Hirugarren egunez jarraian behera egin dute kutsatzeek Nafarroan eta pertsona bat hil da

EITB Media

Publikatuta: 2021/09/06 08:21 (UTC+2) Azken eguneratzea: 2021/09/06 14:19 (UTC+2)

31 positibo berrirekin, ekainaren 27tik atzeman duten kopururik txikiena izan da igandekoa.

Baheketa bat Lodosan, artxiboko irudian. Argazkia: EFE.

Whatsapp
Whatsapp
telegram
twitt
Bidali
Esteka kopiatu

Albisteak (2)

Azken orduetan, 31 kutsatze berri hauteman dituzte Nafarroan, Foru Gobernuak emandako datuen arabera. Egindako 711 probetatik % 4,4 izan dira positibo.

Horrela, ekainaren 27tik (29 kasu detektatu zituzten) foru erkidegoan erregistratu duten kopururik txikiena izan da igande honetakoa.

Ifrentzuan, 84 urteko emakume bat hil da covid-19ak jota azken orduetan. Hala, pandemia hasi zenetik, 1.231 pertsona hil dira Nafarroan.

Ospitaleetako egoerari dagokionez, bi gaixo ospitaleratu behar izan dituzte, baina bakar bat ere ZIUn. Guztira, 70 pertsona daude Osasunbideko ospitaleetan, eta horietatik 24 egoera kritikoan daude.

Datuak gunez gune aztertuz gero, azken 24 orduetan, Iruñeko II. Zabalgunean zenbatu dituzte positibo gehien: hiru. Halaber, bina erregistratu dituzte Iruritan, Sarrigurenen, Lizarran, Mendabian, Mendebaldeko Tuteran, Ekialdeko Tuteran eta Mutiloan.

Kontuan izan osasun agintariek koronabirusaren aurrean eman dituzten aholkuak. Gaitzaren sintomarik baduzu, EAEn bizi bazara, osasun-zentrora deitu, eta zalantzarik izatekotan, Osasun Batzordearen telefonoa duzu eskuragarri: 900 20 30 50. Nafarroan bizi bazara, berriz, Osasun Batzordearen telefonora dei dezakezu: 948 290 290. Gogoratu covid-19a ez hedatzeko modurik eraginkorrena musukoa erabiltzea, espazioak aireztatzea, segurtasun-distantzia gordetzea eta eskuak sarri garbitzea dela.