Gizartea
Koronabirusa
EAEko 12 urtetik gorakoen % 81ek covid-19aren kontrako txertaketa-jarraibide osoa dute dagoeneko
Agentziak| EITB Media
Azken egunotan, 12 eta 15 urte bitartekoen txertaketa nabarmen arindu da; izan ere, nerabeen % 74k lehen dosia jaso dute jada.
-
Emakume bat, covid-19aren kontrako txertoa jasotzen. Argazkia: EFE
Albisteak (3)
Bideoak (1)
Informazio gehiago (1)
Euskal Autonomia Erkidegoko 12 urtetik gorakoen % 81,3k covid-19aren kontrako txertaketa-jarraibide osoa du dagoeneko; eta, % 87,8k, berriz, lehen dosia.
Eusko Jaurlaritzaren Osasun Sailaren azken txostenaren arabera, puntu eta erdiko igoera egon da txertaketa-jarraibidea osatu duten herritarren portzentajean.
Azken egunotan, Azken egunotan, 12 eta 15 urte bitartekoen txertaketa nabarmen arindu da; izan ere, nerabeen % 74k lehen dosia jaso dute jada. Gainera, ikasturte berriaren atarian, haur eta nerabe horien % 26,3k bi txertoak jaso dituzte dagoeneko.
16 eta 19 urte bitartekoen artean ere igo da txertatutakoen zenbatekoa, taldearen erdia gainditzeraino (% 50,5). Horietatik % 75,5ek hartu dute lehen dosia.
% 93,5
Gutxienez dosi bat jaso dutenak
% 92,9
Inmunizazio osoa dutenak
% 69,8
Hirugarren dosi bat jaso dutenak
% 3,5
Kontraindikazioa dutenak edo uko egin dutenak
Orotara, EAEn bizi diren 1.737.468 lagunek jaso dute covid-19aren kontrako txertoaren dosi bana, eta horietatik 1.609.474k txertaketa-jarraibidea osatu dute.
| JARRITAKO TXERTOAK ADIN TALDEAREN ARABERA | 1. dosia | 2. dosia | Errefortzu dosia |
| 90-99 urte | % 94 | % 94 | % 97,7 |
| 80-89 urte | % 97,8 | % 97,6 | % 94,9 |
| 70-79 urte | % 96,5 | % 96,5 | % 96,6 |
| 60-69 urte | % 95,6 | % 95,6 | % 91,2 |
| 50-59 urte | % 95,9 | % 94,8 | % 78,9 |
| 40-49 urte | % 93,2 | % 92,8 | % 59,4 |
| 30-39 urte | % 88,1 | % 86,8 | % 39,6 |
| 18-29 urte | % 87,8 | % 86,4 | % 30,5 |
| 12-17 urte | % 96,8 | % 95,8 | % 0 |
| 5-11 urte | % 60 | % 46,9 | % 0 |
