Gizartea
koronabirusa
Sei atxilotu eta lau udaltzain zaurituta, Iruñean jazotako istiluetan
EITB Media
Agenteek jendez gainezka zeuden Alde Zaharreko zenbait gune hustu dituzte gauean. Udaltzaingoak bizilagunen hainbat kexa jaso ditu.
Sei pertsona atxilotu dituzte eta lau udaltzain zauritu dira bart Iruñeko Alde Zaharrean jazotako istiluetan. Udaltzaingoaren patruilak kalean edateko bildutako jende-taldeak desegitera gerturatu direnean, hainbatek botilak jaurti dizkiete, eta lau udaltzain zauritu dira, Jesus Beriain Udaltzaingoaren eledunak Euskadi Irratiari azaldu dionez. Ondoren izandako istiluak direla eta, poliziek dozena-erdi pertsona atxilotu dituzte, desordena publikoak sortzea, kalteak eragitea eta bortizkeriaz egindako lapurreta egitea egotzita.
Ostegun gauean, Alde Zaharreko tabernak itxi ondoren, jende andana San Gregorio kalean pilatuta zegoela salatzeko bizilagun baten deia jaso zuen Udaltzaingoak. Lekukoaren arabera, zarata "jasangaitza" zen, eta zenbait pertsona indarrez atarietara sartzen saiatzen ari ziren. Horrela,, Udaltzaingoaren patruilak kalea hustera joan direnean, hainbatek botilak jaurti dizkiete, eta baten batek istiluak baliatu ditu inguruko dendetan lapurreta egiteko, polizia iturriek baieztatu dutenez.
La pasada noche ha vuelto a resultar muy ajetreada para las patrullas policiales.
— Policia Municipal Udaltzaingoa 092 (@PamplonaIrunaPM) September 3, 2021
Incidentes en el Casco Antiguo han dejado un balance de 6 personas detenidas y 4 policías heridos leves.@PamplonaIrunaPM @policiaforal_na @policia #AsiNo #AsiNo https://t.co/7TFch91frH pic.twitter.com/6h9ILNmsdu
San Gregorio kalean ez ezik, Sarasate pasealekuan, Yamaguchi parkean eta liburutegi nagusiaren inguruan ere desegin dituzte kalean edaten ari ziren jende-multzoak. Halaber, sei etxebizitzatan ere esku hartu du Udaltzaingoak, festa jendetsuak egiten ari zirelako.
