Gizartea
Larrialdi klimatikoa
Eusko Jaurlaritzak 'Basque Green Deal'en alde egin du klima-aldaketari aurre egiteko estrategia gisa
EITB Media
Lakuak energia berriztagarriak eta garraio elektrikoa bultzatuko ditu, eta, horrez gain, jasangarritasunaren alde egiteko eskatuko die herritarrei.
-
Uztailean Alemanian izandako uholdeak. Argazkia: EFE.
Eusko Jaurlaritza bat dator astelehen honetan Klima Aldaketari buruzko Gobernuarteko Adituen Taldeak (IPCC) ateratako ondorioekin. Azken txostenaren arabera, zientzialariak Lurraren kliman aldaketak ikusten ari dira eskualde guztietan eta sistema klimatiko osoan.
Horren aurrean, Eusko Jaurlaritzak Basque Green Deal bidezko garapen jasangarrirako euskal euskal eredua bizkortzearen aldeko apustua egin du, ezarritako estrategia ekologikoak lortzeko tresna gisa.
Tokiko eta eskualdeko ekintzan oinarrituta, Lakuak bat egiten du 2050erako berotegi-efektuko gas garbien zero isuriko ekonomia lortzeko EBren helburuarekin. Horretarako, energia berriztagarriak bultzatuko du, garraioa elektrifikatuko du eta herritarrei jasangarritasunaren alde egiteko eskatuko die.
Ildo horretan, Jaurlaritzak Basque Green Deal estrategiaren aldeko apustua egin du, ekoizpen-egituraren lehiakortasuna indartzeko eta ingurumen-irizpideak politika sektorial guztietan txertatzeko estrategia global gisa.
