Hiru haurdun Gurutzetako Ospitalean daude covid-19ak jota, horietako bi ZIUn

Agentziak | EiTB Media

Publikatuta: 2021/07/30 11:11 (UTC+2) Azken eguneratzea: 2021/07/30 11:11 (UTC+2)

Radio Euskadin egindako elkarrizketan, umedunak txertatzearen "garrantzia" azpimarratu du Leire Rodriguez ospitaleko ginekologoak. Zentzu horretan, "haurdunaldiaren edozein hiruhilekoan" txertoa jartzeko eskatu du.

Gurutzetak Ospitalea (Barakaldo). Artxiboko argazkia: Aitor Agirrezabal

Whatsapp
Whatsapp
telegram
twitt
Bidali
Esteka kopiatu

Albisteak (3)

Hiru emakume haurdun Gurutzetako Ospitalean (Barakaldo) daude koronabirusak jota, horietako bi zainketa intentsiboetako unitatean (ZIU), eta hirugarrena arnas zerbitzuko geletan.

Umedunak covid-19aren aurka txertatzearen "garrantzia" azpimarratu du Leire Rodriguez ospitaleko ginekologoak, Radio Euskadin egindako elkarrizketan.

Medikuak zehaztu duenez, astero covid-19aren ondorioz bi pneumonia izan dituzte emakume haurdunek, ekainean.

Zentzu horretan, "haurdunaldiaren edozein hiruhilekoan" txertoa jartzeko eskatu du.

Kontuan izan osasun agintariek koronabirusaren aurrean eman dituzten aholkuak. Gaitzaren sintomarik baduzu, EAEn bizi bazara, osasun-zentrora deitu, eta zalantzarik izatekotan, Osasun Batzordearen telefonoa duzu eskuragarri: 900 20 30 50. Nafarroan bizi bazara, berriz, Osasun Batzordearen telefonora dei dezakezu: 948 290 290. Gogoratu covid-19a ez hedatzeko modurik eraginkorrena musukoa erabiltzea, espazioak aireztatzea, segurtasun-distantzia gordetzea eta eskuak sarri garbitzea dela.