Gizartea
Koronabirusaren semaforoa
Gorri jarri da semaforoa Balmasedan, Laudion eta Tolosan
A. S. | EITB MEDIA
Gipuzkoan, Donostia, Irun eta Mutriku laranjan sartu dira, eta Legazpi eta Oñati eremu berdetik irten dira. Hortaz, ez dago udalerri gipuzkoarrik gune horretan.
-
Eusko Jaurlaritzako Osasun Sailaren semaforoa
Balmaseda, Laudio eta Tolosa eremu gorrira igaro dira, covid-19ak EAEn herriz herri izan duen eragina neurtzen duen Eusko Jaurlaritzako Osasun Sailaren semaforoaren arabera. Gainera, Gipuzkoako hiriburuak ez dio horiari eutsi eta laranja da gaurtik aurrera, Irun eta Mutrikurekin batera.
Arabak (155 kasu 100.000 biztanleko) eremu horian jarraitzen du, baita Amurriok eta Gasteizek ere. Agurainek, bestalde, ezin izan dio berdeari eutsi eta hori jarri da semaforoa, eta Laudio, berriz, gorria da gaurtik aurrera.
Bizkaian, hori dago semaforoa (191 kasu 100.000 biztanleko), eta Balmaseda gorrira igaro da azken orduetan.
Mungian, bestalde, egoerak okerrera egin eta laranjan jarri da semaforoa.
Hori dauden udalerriak honakoak dira: Abanto, Abadiño, Arrigorriaga, Barakaldo, Basauri, Berango, Bilbo, Derio, Durango, Elorrio, Erandio, Etxebarri, Galdakao, Getxo, Gorliz, Gueñes, Leioa, Lekeitio, Mungia, Muskiz, Ortuella, Portugalete, Santurtzi, Sestao, Sopela, Trapaga, Zalla eta Zornotza.
Bermeo, Elorrio, Ermua, Gernika-Lumo, Markina-Xemein eta Ondarroa gune berdean daude.
Gipuzkoa ere eremu horian dago, intzidentziak gora egin duen arren (290 kasu 100.000 biztanleko). Astigarrak, Hernanik, Urnietak eta Zumaiak eremu gorrian jarraitzen dute eta Tolosa gehitu zaie zerrendara.
Laranjan, berriz, Lazkao, Donostia, Irun eta Mutriku daude.
Horian gero eta udalerri gehiago daude: Arrasate, Andoain, Aretxabaleta, Azkoitia, Azpeitia, Beasain, Bergara, Deba, Donostia, Hondarribia, Eibar, Elgoibar, Errenteria, Lasarte-Oria, Lezo, Oiartzun, Ordizia, Orio, Pasaia, Urretxu, Usurbil, Villabona-Amasa, Zarautz eta Zumarraga.
Orain arte berdez ziren Legazpi eta Oñati ere eremu horira pasa dira. Beraz ez dago herririk Gipuzkoan eremu berdean.
Europar Batasunak (EB) onartutako koloreen mapa egokitu du Jaurlaritzak, eta azken 14 egunetan metatutako intzidentzia-tasaren arabera sailkatzen ditu EAEko udalerriak.
