Gaur elkartuko da LABIren Aholku Batzordea neurriak arintzeko
LABI teknikoaren txostena mahai gainean dutela, gaur elkartuko da LABIren Aholku Batzordea, Iñigo Urkullu lehendakaria buru dela. Koronabirusagatik egun indarrean dauden neurri murriztaileak arinduko ditu. Bizi Berri III planari jarraituz, ostalaritzako ordutegiak luzatuko ditu (01:00ak arte) txokoak eta elkarte gastronomikoak zabaltzea ahalbidetuko du eta kirol ekitaldietan publikoa izatea baimenduko du eta kultur jardueretako edukierak handituko ditu. Hala ere, ez dago argi gaueko asialdiarekin zer gertatuko den. Neurri berriak datorren astean sartuko dira indarrean.
LABIren Aholku Batzordearen bilera 16:30ean hasiko da eta ondorengo prentsaurrekoa zuzenean jarraitu ahalko da eitb.eus-en.
Eusko Jaurlaritzak ezer aurreratu ez badu ere, neurri murriztaileak arinduko dituztela espero da; izan ere, duela hiru aste iragarri zuten intzidentzia-tasa metatua 150 kasutik behera dagoenean hala egingo zutela.
Plan horren arabera, establezimenduak ixteko eta jarduerak amaitzeko ordutegiak 01:00ak arte luzatuko dituzte eta tabernetan eta jatetxeetan sei pertsona eseri ahalko dira mahai bakoitzean. Halaber, txokoak eta elkarte gastronomikoak irekiko dituzte eta kirol ekitaldietan ikusleak egotea baimenduko dute.
Alabaina, gaueko aisialdiarekin zer gertatuko den ez dago argi. Alerta mailaren bi fasean, hots, egungo osasun-egoeran, gaueko tabernak eta diskotekak irekitzeko aukera aztertuko dela aurreikusten du Bizi Berri III planak, baina lehendakariak ez zuen establezimendu horiei buruzko aipamenik egin duela hiru egin zuen agerraldian etorkizunean har zitezkeen neurriak aipatzerakoan.
Atzo, Bingen Zupiria Kultura sailburu eta Eusko Jaurlaritzako bozeramaileak ez zuen ezer argitu. LABI batzordeko adituek osasun egoeraren "bilakaera ona" baieztatzea espero zuela esan zuen, "neurriak arindu ahal izateko, datozen asteetan bizitza soziala neurri batean zabaltzea ahalbidetuz".
Zupiriak gogorarazi zuenez, lehendakariak "iragarri zuen kutsatzeek eta ospitaleratzeek beheranzko joerari eusten bazioten, eta txertatutako biztanleek gora egiten bazuten, posible izango zela, bizi izan dugun murrizketa egoera zertxobait arinduko duten neurriak hartu ahal izatea".
Gasteizko Gobernuak aste honetan azaldu duenez, ez zuen pandemiaren kontrako osasun neurriak arintzeko asmorik, 100.000 biztanleko 14 egunetan pilatutako eragina 150 kasuen azpitik mantentzen dela baieztatu arte. EAEko intzidentzia metatuak bi egun daramatza kopuru horretatik behera, eta, kutsatze maila txikia dela eta, litekeena da datozen egunetan behera egiten jarraitzea.
Albiste gehiago gizartea
Zergatik bihurtu dira baso-suteak lehen baino arriskutsuagoak?
60ko hamarkadan, suteak 1. eta 2. mailakoak ziren, baina denborak aurrera egin ahala, sute horiek areagotu egin dira, eta, azken hamarkadetan, oso larriak izatera igaro dira, bosgarren eta seigarren mailakoak.
Hiru pertsona hil dira dagoeneko Espainiako suteetan
10.000 pertsona etxetik atera behar izan dira Estatuan suteengatik; Zamora, Leon eta Ourense kiskaltzen ari dira. 30 bat sute aktibo daude, horietatik 14 larriak, eta zortzi autonomia erkidego alertan daude sugarrengatik.
Eneko Goiak jaien lehen egunen "balantze positiboa" egin du eta Aste Nagusiaz gozatzen jarraitzeko deia egin die herritarrei eta bisitariei
Donostiako alkateak azpimarratu duenez, ez da "gertakari aipagarririk" izan, eta hori "albiste ona" dela uste du. Aste nagusia alaitasunez, giro onean eta umorez gozatzen jarraitzeko deia egin du Eneko Goiak.
Nafarroak 11 tularemia kasu baieztatu ditu aurten, eta horietako zazpik ospitaleratzea behar izan dute
2024an, bi kasu diagnostikatu ziren. Ultzama, Larraun eta Iza ibarretan izan dira kasu gehien. Lau kasutan gaixoek karraskarien gorpuak ukitu zituzten, eta beste lautan, berriki izan zuten kaparren ziztada. 2025ean 60 kasu baino gehiago baieztatu dira Espainiako Estatuan.
Bilboko Udalak eta konpartsek eraso matxisten, arrazisten eta LGTBIQfobikoen aurkako kanpaina aurkeztu dute Aste Nagusirako
Bilboko alkate Juan Mari Aburtok erakundeen eta herritarren "konpromisoa eta erantzukizun partekatua" eskatu ditu, eraso matxista, arrazista eta LGTBIQfobikorik gabeko Aste Nagusia bizitzeko.
Arrisku handiko baso-sute askok kontrolik gabe jarraitzen dute Espainian
Dozenaka baso-sutek Espainiako hainbat puntu astintzen jarraitzen dute, eta dagoeneko milaka hektarea kiskali dituzte. Suhiltzaileak sute-egun berri bati aurre egiten ari dira asteazken honetan, eta foku nagusiak Ourensen, Leonen eta Zamoran daude.
Bost pertsona espetxeratu dituzte Donostian pertsona bat jipoitzeagatik, hura lapurtzeko
Gertaera igandean izan zen, 7:30ean, Egiako pasabidean, Gipuzkoako hiriburuko autobus geltokiaren inguruan, bost pertsonak beste bati eraso egin zietenean, lapurtzeko. Epaileak bostak espetxeratzeko agindu du eman du.
Irungo Udalak martxan du Itzulera Operazioa, hirian ibilgailuen trafikoa arinduko duena
Joan den ostegunean jarri zuen martxan ekintza plana Udalak. Helburu nagusia da Irunera iritsi nahi duten tokiko ibilgailuei sarbidea lehenestea.
Arabako Foru Aldundiak Gorbeiako jarduerak murriztuko ditu oreinen orroaldi garaian, irailaren 8tik urriaren 10era
Debekatuta egongo da ibilgailuen trafiko osoa, zuraren, egurraren, larreen, luberritzeen edo baimendutako ikerketa zientifikoen aprobetxamenduekin lotutako berariazko baimena duten kasuetan izan ezik.
Espainian kiskaltzen ari diren suteen ondorioz milaka lagun etxetik aterarazi dituzte
Azken orduetan 7.000 lagun baino gehiagok gaua etxetik kanpo pasa dute. Leon eta Ourense probintziek 19 zauritu zenbatu dituzte. Gutxienez zazpi pertsona zauritu dira Leongo eta Zamorako suteen ondorioz; horietatik lau egoera kritikoan daude, eta beste hiru larri.