Positiboek apur bat gora egin dute Nafarroan, 52 zenbatu baitituzte

Eider Garaikoetxea | EITB MEDIA

Publikatuta: 2021/06/09 08:52 (UTC+2) Azken eguneratzea: 2021/06/09 09:42 (UTC+2)

Kasu gehien pilatzen dituzten udalerri edo guneei dagokienez, Iruñeko Txantrea auzoa da denen buru, zazpi kutsatzerekin.

Erizain bat proba diagnostiko bat egiten. Artxiboko argazkia: EFE

Whatsapp
Whatsapp
telegram
twitt
Bidali
Esteka kopiatu

Albisteak (2)

Eguneko positiboen kopuruak apur bat egin du gora azken orduetan Nafarroan (52), Foru Gobernuak emandako behin-behineko datuen arabera.

Bezperan baino zortzi gehiago dira. Aurreko asteko datuekin alderatuta, aldiz, behera egin dute duela zazpi egun atzemandako 86 kutsatzeekin erkatuta (orduan baino 34 gutxiago dira) baina duela bi aste zenbatutako kutsatzeen parean (50) daude.

Iruñea hiriburuko auzoetan zenbatu dituzte kasu gehien. Denen buru da Txantrea, zazpi kutsatzerekin, eta Buztintxuri eta Arrosadia ageri dira ondoren, launarekin. Burlatan eta Sarrigurenen, berriz, hiruna positibo atzeman dituzte.

Kontuan izan osasun agintariek koronabirusaren aurrean eman dituzten aholkuak. Gaitzaren sintomarik baduzu, EAEn bizi bazara, osasun-zentrora deitu, eta zalantzarik izatekotan, Osasun Batzordearen telefonoa duzu eskuragarri: 900 20 30 50. Nafarroan bizi bazara, berriz, Osasun Batzordearen telefonora dei dezakezu: 948 290 290. Gogoratu covid-19a ez hedatzeko modurik eraginkorrena musukoa erabiltzea, espazioak aireztatzea, segurtasun-distantzia gordetzea eta eskuak sarri garbitzea dela.