37 kutsatze berri atzeman dituzte Nafarroan, uztailaren 15etik izan den datu txikiena

Kutsatzeek behera egin dute azken orduetan nabarmen, Nafarroan: 37 positibo berri atzeman dituzte, bezperan baino 36 gutxiago, Foru Gobernuak emandako datuen arabera. Duela 7 egun 57 kasu izan ziren eta duela 14 egun 41. Datua uztailaren 15etik izan den txikiena da. 

Zehazki, atzo 1.078 proba diagnostiko egin zituzten, eta horietatik %3,4 positibo izan ziren. Hortaz, positibotasun tasak behera egin du (% 4,1ean zegoen).

Ospitaleen presioari dagokionez, Foru Erkidegoan 40 lagun daude covid-19arekin ospitaleratuta (bezperan baino bat gutxiago), horietako 12 ZIUetan.

Positibo gehien atzeman dituzten udalerriei erreparatuta, Iruñea kenduta, Uharte Arakil dago buruan, 7 kasu berrirekin, eta ondoren Uharte 3rekin.

Txertaketak ere aurrera jarraitzen du. Osasun zerbitzu publikoak 6.495 txerto jarri zituen larunbatean, eta, guztira, 442.256 dosi eman dituzte dagoeneko. Nafarroan, 168.593 pertsonek osatu dute txertaketa prozesua.