Gizartea
TRAFIKO ISTRIPUA
Gizon bat larri zauritu da Vianan, gidatzen zuen ibilgailua bidetik aterata
O. A. | EITB MEDIA
Zauritutako gidaria larri eraman dute Logroñoko ospitalera. Ezbeharra NA-134 errepidean gertatu da.
Gizon bat larri zauritu da gaur goizean Vianan gertatu den trafiko istripuan, gidatzen zuen ibilgailua bidetik aterata.
Foruzaingoak jakinarazi duenez, ezbeharra 07:37an gertatu da NA-134 errepidean.
Ibilgailuaren gidaria larri eraman dute Logroñoko ospitalera.
Foruzaingoa, suhiltzaileak eta anbulantzia bat bertaratu dira istripuaren tokira.
