Gizartea
Mendi istripua
Tximista batek bi mendizale zauritu ditu, horietako bat larri, Gorbeia mendian
EITB Media | Agentziak
Bietako batek deitu zuen larrialdi zerbitzuetara eta Ertzaintzaren helikopteroan erreskatatu zituzten.
Bi emakume zauritu dira Gorbeia Mendian, Zeanurin, tximista batek jota, Segurtasun Sailak jakitera eman duenez.
Ezbeharra maiatzaren 28an gertatu zen, ostiralarekin, 19:30ean. Bi mendizaleetako batek larrialdi zerbitzuei dei egin zien, tximista batek jo zituela eta berarekin zihoan mendizalea larri zaurituta zegoela esateko.
Ertzaintzaren helikopteroak erreskatatu zituen bi biktimak, eta Pagomakurreko aparkalekuraino eraman. Bertara heltzean, bi anbulantziatan eraman zituzten Gurutzetako Ospitalera.
Itxina. Montañera herida por impacto de rayo. Extraemos a víctima y acompañante con helicóptero y transferimos a @osakidetzaEJGV
— UVR Ertzaintza (@UvrErtzaintza) May 28, 2021
La probabilidad de que te caiga un rayo se estima en 1 entre 3.000.000
Itxina. Mendizale zauritua tximista batek jota. Helikopteroz atera dugu.#uvr pic.twitter.com/s3NWr6cOba
