Legazpi eremu gorrira pasatu da

Legazpi eremu gorria sartu da gaur, covid-19ak EAEn herriz herri izan duen eragina neurtzen duen Eusko Jaurlaritzako Osasun Sailaren semaforoaren arabera. Santurtzi gune laranjan sartu da, datuek txarrera egin ostean. Muskizen, berriz, hobera egin dute eta udalerri horia da orain.

Aldaketarik ez Araban (126 kasu 100.000 biztanleko), eremu horiari eutsi baitio, baita Amurriok, Gasteizek eta Laudiok ere. Agurainek, bestalde, laranja jarraitzen du eta gorritik oso gertu dago.

Bizkaian ere hori dago semaforoa (100.000 biztanleko 230 kasu). Gune gorrian, hiru udalerrik jarraitzen dute: Sopelak, Trapagaranek eta Zallak.

Laranjan, berriz, Galdakao, Sestao eta sartu berri den Santurtzi daude.

Hori dauden udalerriak ondorengoak dira: Abadiño, Abanto, Arrigorriaga, Balmaseda, Barakaldo, Basauri, Bermeo, Berango, Bilbo, Derio, Durango, Elorrio, Erandio, Ermua, Etxebarri, Gernika-Lumo, Getxo, Gorliz, Gueñes, Leioa, Mungia, Ondarroa, Ortuella, Portugalete eta Zornotza. Muskiz gehitu zaio zerrendari azken orduetan, datuak hobetuz.

Lekeitiok kolore berdeari eutsi di, eta Markina-Xemein ere zerrendara gehitu da.

Gipuzkoak eremu horiari eutsi dio (207 kasu 100.000 biztanleko). Azkoitiak eta Tolosak ez dute eremu gorritik irtetea lortu. Azken orduetan, gainera, Legazpi sartu da eremu gorrian.

Azpeitia da laranjaz margotuta ageri den Gipuzkoako herri bakarra.

Andoain, Aretxabaleta, Arrasate, Astigarraga, Beasain, Bergara, Deba, Donostia, Eibar, Errenteria, Elgoibar, Hernani, Hondarribia, Irun, Lasarte-Oria, Lezo, Oiartzun, Oñati, Ordizia, Pasaia, Urnieta, Urretxu, Usurbil, Villabona, Zarautz eta Zumaia, berriz, hori daude.

Mutrikuk, Lazkaok eta Oriok berde jarraitzen dute.

Europar Batasunak (EB) onartutako koloreen mapa egokitu du Jaurlaritzak, eta azken 14 egunetan metatutako intzidentzia-tasaren arabera sailkatzen ditu EAEko udalerriak.