Gipuzkoa, Errenteria, Laudio, Ordizia, Orio eta Sopela eremu gorritik atera dira

Gipuzkoa, Errenteria, Laudio, Ordiza, Orio eta Sopela gunerik latzenetik atera dira azken orduetan, covid-19ak EAEn herriz herri izan duen eragina neurtzen duen Eusko Jaurlaritzako Osasun Sailaren semaforoaren arabera. Aitzitik, Abantok kontrako bidea egin du, gorritik laranjara.

Arabak (197,45 kasu 100.000 biztanleko) eremu horian jarraitzen du, baita Gasteiz, Amurrio eta Agurain ere. Gainera, azken orduetan Laudio eremu gorritik atera eta laranja izatera igaro da. 

Bizkaiak laranjari eutsi dio (100.000 biztanleko 361,69 kasu), baina udalerri hauetan gorri dago semaforoa: Bilbo, Galdakao, Leioa, Mungia, Muskiz, Sestao eta Trapagaran. Sopelak eremu latzena atzean uztea lortu du azken orduetan, eta laranja dago orain. Abanto, berriz, eremu gorrian sartu da.

Laranjaz, berriz, udalerri hauek ageri dira: Barakaldo, Basauri, Erandio, Etxebarri, Getxo, Santurtzi, Sopela eta Zalla. Egoerak okerrera egin du azken orduetan Etxebarrin, eta hobera, aldiz, Balmasedan eta Ondarroan.

Hori dauden udalerriak honakoak dira: Abadiño, Arrigorriaga, Bermeo, Berango, Derio, Durango, Ermua, Gernika-Lumo, Gorliz, Gueñes, Lekeitio, Markina-Xemein, Ondarroa, Ortuella, Portugalete eta Zornotza. Balmaseda laranjatik horira igaro da.

Elorrio da berdez dagoen udalerri bakarra.

Gipuzkoa (382,26 kasu 100.000 biztanleko) gorritik atera da. 16 udalerrik eremu gorrian jarraitzen dute: Aretxabaleta, Astigarraga, Azkoitia, Deba, Donostia, Errenteria, Hernani, Lasarte-Oria, Legazpi, Oñati, Tolosa, Urretxu, Usurbil,  Zarautz, Zumaia eta Zumarraga.

Arrasate, Azpeitia, Errenteria, Irun, Lezo, Ordizia, Orio, Pasaia eta Villabona laranja ageri dira.

Andoain, Beasain, Bergara, Eibar, Elgoibar, Hondarribia, Lazkao, Oiartzun eta Urnieta, berriz, hori daude.

Mutriku da berdean dagoen bakarra.

Europar Batasunak (EB) onartutako koloreen mapa egokitu du Jaurlaritzak, eta azken 14 egunetan metatutako intzidentzia-tasaren arabera sailkatzen ditu EAEko udalerriak.