Gizartea
Nafarroa
Gorpu bat topatu dute papera eta kartoia biltzeko kamioi batean, Iruñean
EITB MEDIA
Oraingoz, ez dakite nor den hildako pertsona, ezta gorpuaren jatorria zein den ere, kamioia Iruñerria guztitik ibiltzen baita materiala biltzen.
Gorpu bat topatu dute arratsalde honetan Iruñerrian birziklatzeko papera eta kartoia biltzen dituen kamioi batean, Radio Euskadik baieztatu ahal izan duenez.
Enpresak ezin izan du hilotzaren jatorriari buruzko xehetasunik eman, Iruñerria guztian ibiltzen direlako birziklatzeko materiala biltzen. Hildako laguna nor den ere ez dakite, oraingoz.
Gorpua Auzitegiko Medikuntzako Erakundera eraman dute, autopsia egiteko, eta Foruzaingoak ikerketa bat jarri du martxan gertakaria argitzeko.
