Gizartea
Palma Arena auzia
Castro epaileak otsailaren 25era atzeratu du Urdangarinen deklarazioa
Erredakzioa
Magistratuak hainbat abokatuen atzerapen eskaerak izan ditu kontuan; horiek ordezkatzen dituzten pertsonak beste konpromiso judizialak dituztelako.
-
Palmako Dukea, Iñaki Urdangarin. Argazkia: EITB
Palma Arena auziko epaileak, Jose Castrok, otsailaren 25era atzeratu du Palmako Dukearen, Iñaki Urdangarinen, deklarazioa. Otsailaren 6an inputatu gisa deklaratzea deitu zuten.
Magistratuak hainbat abokatuen atzerapen eskaerak izan ditu kontuan. Horiek esan dutenaren arabera, egun horietan, ordezkatzen dituzten pertsonak beste konpromiso judizialak dituzte.
Urdangarin Noos Institutuan, bera presidente zenean, ustez izandako irregulartasunengatik ikertu dute, eta otsailaren 25ean, 09:00etan, epailearen aurrera eramango dute.
Urdangarin ez ezik, Castro epaileak beste hainbat pertsona ere deitu ditu deklaratzera, hala nola Diego Torres bazkidea eta Noos Institutuko Ana M. Tejeiro, Marco Antonio Tejeiro, Miguel Tejeiro eta Salvador Trinxet.
Auzi honen baitan beste hainbat pertsona pasatuko dira epailearen aurretik, besteak beste José Luis "Pepote" Ballester Balearretako Gobernuko Kirol zuzendari nagusi ohia; Gonzalo Bernal, Illesport Fundazioko zuzendari ohia eta Juan Carlos Alia Balearretako Turismo Institutuko buru ohia. Urtarrilaren 25ean deklaratuko dute, Balearretako Gobernuak Urdangarinekin eta Torresekin zituen negozioen harira.
