Gizartea
KORONABIRUSA
Europak Sputnik V txertoaren praktika kliniko onen ikuskapena osatu du Errusian
N. B. | EITB MEDIA
Europako adituak "hasi berri" dira Errusiako lantegiak bisitatzen, botikak babesteko protokoloak betetzen dituztela berresteko.
-
Sputnik V txertoa. Argazkia: EFE.
Sendagaien Europako Agentziak asteazken honetan esan duenez, Sputnik V txertoaren inguruan Errusian egindako praktika kliniko egokien ikuskapena amaitu du, eta Europako adituek "hasi berri" dituzte bisitak euren lantegietara, botikaren balizko babeserako protokoloak betetzen dituztela berresteko.
Txertoen eta tratamenduen analisian izandako aurrerapenak azaltzeko egindako ekitaldi digital batean, Sendagaien Europako Agentziak azpimarratu du koronabirusaren aldaera indiarra behatzen ari dela, eta RN Mezulariaren, Pfizerren eta Modernaren txertoek birusaren mutazio hori "neutralizatu" dezaketela uste du.
Sendagaien Europako Agentziak martxoaren 4an abiatu zuen txerto errusiarraren segurtasunari, eraginkortasunari eta kalitateari buruzko datuak "etengabe berrikusteko" prozesua, Europar Batasunean botika hori erabiltzeko baimena eman zezakeena, dagoeneko lizentzia duten txertoekin batera: PFIZER/BioNTech, Moderna, AstraZeneca eta Janssen.
