Kutsatzeak egonkor mantendu dira Nafarroan, 186 kasu atzeman baitituzte

Eider Garaikoetxea | EITB MEDIA

Publikatuta: 2021/04/23 08:44 (UTC+2) Azken eguneratzea: 2021/04/23 10:36 (UTC+2)

Zazpigarren egunez jarraian, 200eko langatik behera daude positiboak. Gainera, aurreko asteekin alderatuta, beheranzko joerari eutsi zaio.

Nafarroako Klinika Unibertsitarioko ZIU gela bat. Artxiboko argazkia: EFE.

Whatsapp
Whatsapp
telegram
twitt
Bidali
Esteka kopiatu

Albisteak (1)

Funes, perimetralki itxita

Zazpigarren egunez jarraian, 200eko langatik behera mantendu dira positiboak Nafarroan, 186 kasu zenbatu baitituzte, Foru Gobernuak emandako behin-behineko datuen arabera.

Zehazki, ostegunean 2.712 proba diagnostiko egin zituzten (asteazkenean baino 316 gutxiago), eta horien % 6,9k eman zuten positibo. Positibotasun tasak, beraz, zazpi puntu egin du behera (% 7,6an zegoen).

Bezperan baino bi gehiago dira, baina duela astebete baino 17 gutxiago, eta duela 15 egun baino 107 gutxiago.

Altsasun atzeman dituzte kutsatze gehien: 10, hain justu. Barañainen eta Funesen, bestalde, zazpina zenbatu dituzte. Azken herri hori perimetralki itxita dago gauerditik. Azkenik, Azagran, Berriozarren, Leitzan eta Iruñeko Donibane auzoan seina kasu atzeman dituzte.

Kontuan izan osasun agintariek koronabirusaren aurrean eman dituzten aholkuak. Gaitzaren sintomarik baduzu, EAEn bizi bazara, osasun-zentrora deitu, eta zalantzarik izatekotan, Osasun Batzordearen telefonoa duzu eskuragarri: 900 20 30 50. Nafarroan bizi bazara, berriz, Osasun Batzordearen telefonora dei dezakezu: 948 290 290. Gogoratu covid-19a ez hedatzeko modurik eraginkorrena musukoa erabiltzea, espazioak aireztatzea, segurtasun-distantzia gordetzea eta eskuak sarri garbitzea dela.