Gizartea
Migrazioaren krisia
Italiako justiziak Matteo Salvini epaituko du Open Arms auziarengatik
EITB Media | Agentziak
EITB
2019an, agintari ultraeskuindarrak erreskatatutako 147 migratzaileen porturatzea blokeatu zuen 19 egunez.
Albisteak (2)
Palermoko Auzitegiko (Sizilia) epaile batek erabaki du Matteo Salvini Italiako Barne ministro ohia epaitzea, “pertsonen bahiketa” delitupean. Liga ultraeskuindarreko agintariak Open Arms GKEren ontziak erreskatatutako 147 pertsona migratzaileen porturatzea blokeatu zuen 19 egunez, 2019ko abuztuan.
¿ #Salvini epaituko dute portu itxien politikarengatik. Justizia poetikoa. #OpenArms
— Ane Irazabal (@AneIrazabal) April 17, 2021
Hiru saioren ostean, Lorenzo Ianelli epaileak Salviniren defentsaren argudioak entzun ditu. Hartutako erabakia Gobernuak adostutakoa izan zela eta ontziak Maltara edota Espainiara joateko aukera izan zuela azaldu du defentsak, herrialde biek ontziaren lehorreratzea baimendu baitzuten.
Martxoaren 20ko azken saioan, Fiskaltzak Salvini epaitzeko eskatu zuen aurkeztutako dokumentu eta frogekin argi ikusten delako Salvinirena “ekintza politikotik baino administratibotik gehiago izan zuela”.
Epaileak akusazio gisa onartu ditu pertsona migratzaileak, elkarte humanitarioak eta Palermo eta Bartzelona hirien testigantzak, baita Oscar Camps GKEren sortzailea eta Anabel Montes misio arduraduna, besteak beste.
Erreskatearen kronologia
2019ko abuztuan, orduko Barne ministroak 19 egunez blokeatu zuen 147 erreskatatuen porturatzea, migratzaileak salbatzen zituzten ontziei portuak ixteko politika tarteko.
17 egun igarota, Gobernu espainiarrak lehorreratzeko portua eskaini zion Open Arms-i, baina honek uko egin zion migratzaile batzuen egoera fisikoa eta psikologikoa kezkagarria zelako. Horietako batzuk kosta italiarrera heltzeko esperantzarekin itsasora salto egin zutela jakinarazi zuen GKEk.
Azkenean, abuztuaren 20ko gauean Fiskaltzak gelditzen ziren 83 migratzaileak Lampedusan porturatzeko agindua eman zuen, larrialdi humanitario egoera hari amaiera emanez.
Y por fin, después de 19 días cautivos en la cubierta de un barco, todas las personas a bordo pisarán tierra firme.
— Open Arms (@openarms_fund) August 20, 2019
¡¡Boza!! pic.twitter.com/W2CCYtKIIA
