Etxe bat husteko ekintzaren aurka protestak eta atxilotu bat izan dira Abadiñon

Ostegun goizean Desokupa enpresak Abadiñoko (Bizkaia) etxebizitza bat hustu zuen, eta arratsaldean ekintzaren aurkako protesta jendetsua egin zuten herrian, mugimendu antifaxistak deituta. Sare Antifaxistak jakitera eman duenez, atxilotu bat izan da mobilizazioan, eta gutxienez beste bi pertsona identifikatu dituzte, Euskadi Irratiak zehaztu duenez.

Antifascista detenido
Neonazis protegidos
Neonazis se lo agradecen a Bujanda, Erkoreka, Urkullu#ModeloPolicial jeltzale #Abadiño #Bizkaia #EHn pic.twitter.com/I4vE2oS7cJ

— Sare Antifaxista (@Antifaxismoa) April 16, 2021

Etxea goizeko lehen orduan utzarazi zuen Desokupa enpresak. Zenbait iturrik enpresa ultraeskuinarekin lotzen dute.

Ordu batzuk geroago, Ertzaintza manifestariei oldartu zitzaien zonaldean, enpresako langileen eta etxea berriz okupatzen saiatu ziren pertsonen artean istiluak izan ondoren.

Eusko Jaurlaritzako Segurtasun Saileko bozeramaile batek azaldu duenez, gertakariak 09:30 aldera jazo ziren, enpresak zenbait pertsona etxebizitzatik atera zituenean.

Hala ere, 13:30 aldera, liskarrak izan ziren konpainiako beharginen eta “indarrez” etxera berriro sartzen saiatu ziren zenbait pertsonaren artean.

Ondorioz, Ertzaintzak kargatu zuen, etxebizitzara berriz sartzea eragotziz.

EH Bilduk Segurtasun Sailari azalpenak eskatu dizkio, “Ertzaintza eta Desokupa eskuin-muturreko enpresa eskutik aritu direlako Abadiñon. Koalizioaren hitzetan, “kezkagarria” da Desokupa Euskal Herrian aritzea. “Kezkagarriagoa Ertzaintzarekin lankidetzan”, erantsi duenez.

Ertzaintza eta Desokupa eskuin-muturreko enpresa eskutik aritu dira gaur #Abadiño|n.
Kezkagarria Desokupa Euskal Herrian aritzea.
Kezkagarriagoa Ertzaintzarekin lankidetzan.
Azalpenak eskatu diogu Segurtasun Sailari. pic.twitter.com/1EhDZ3uAMf

— Julen Arzuaga Gumuzio (@julenaretakoa) April 15, 2021

Era berean, Durangaldeko Podemos Ahal Duguk enpresaren “indarkeria” salatu du ohar batean. Enpresako hamar bat langilek pertsonak “mehatxupean” atera zituzten etxebizitzatik, 20 bat herritar etxegabetzea saihesten saiatu ziren bitartean, “faxistak gure auzoetatik kanpora” oihukatuz.

Nos preocupan las actitudes violentas que se están produciendo a consecuencia del discurso extremista de la ultraderecha, que se extienden a nuestra comarca tal y como hemos podido comprobar con la presencia de Desokupa hoy en Abadiño.

Esta tarde, nos sumamos a la concentración. pic.twitter.com/ygzTlXAzZl

— Podemos Durangaldea (@PodemosDurango) April 15, 2021

Eskualdeko kolektibo ugarik beste manifestazio bat deitu dute larunbat honetarako, 20:00etan. Protesta Ferialeku plazatik abiatuko da, "Desokupa kanpora" lelopean.

Bihar ¿¿¿¿. Manifestazioa: Desokupa kanpora https://t.co/sQWshCHbkR@abagaztetxie @antifaxismoa@Kontseilua_Dur @Itaia_Durangald@DurangaldekoIA @GKS_Durangaldea#Abadiño #Bizkaia@anboto @durangondigital@guredot_dotb @durango_irratia @KulturaMugalari @argia @berria pic.twitter.com/WPo1otn3Ck

— Sare Antifaxista (@Antifaxismoa) April 16, 2021