Gizartea
Neurri murriztaile berriak
Kirol-jarduerak barrualdean lauko taldeetan egin ahalko dira gehienez
EITB MEDIA
100.000 biztanleko intzidentzia-tasa metatua 400 kasutik gorakoa denean, barrualdean egiten diren kirol-jarduerak murriztea erabaki du LABI batzoreak.
-
Gasteizko gimnasio bat. Atxiboko argazkia: EFE
Pandemiaren bilakaera berriro goraka egiten ari dela eta, Iñigo Urkullu lehendakariak zuzentzen duen LABI batzordeak udalerriak eta lurraldeak ixtea erabaki du, azken 14 egunetako intzidentzia-tasa metatua 400 kasutik gorakoa denean.
Horrez gain, udalerri horietan, barrualdean egiten diren kirol-jarduerak mugatuko dituzte, talde profesionalen eta kirolari federatuen entrenamenduei eta lehiaketei eragiten dietenak izan ezik.
Horrela, bada, toki itxietan gehienez lau pertsonako taldeetan egin ahalko da kirola. Halaber, kirol-instalazio guztietan aldagelak eta dutxak itxita egongo dira. Alabaina, igerilekuen kasuan salbuespena egingo dute: gehienezko edukiera % 35ekoa izango da eta dutxak erabilgarri izango dira, betiere indibidualak badira.
