Gizartea
LABI-REN NEURRI BERRIAK
Hauek dira 400 kasu baino gehiago pilatzen dituzten udalerriak
EITB MEDIA
Ostegun honetan 5.000 biztanletik gorako 14 udalerrik gainditzen dute 400 kasuko intzidentzia-tasa metatua.
Azken 14 egunetan 100.000 biztanleko 400 kasu baino gehiago pilatzen dituzten 5.000 bizilagunetik gorako udalerriak ixtea proposatu dute LABI batzordean parte hartzen duten adituek, koronabirusaren hedapena gelditzeko asmoz.
Iñigo Urkullu lehendakariak zuzentzen duen LABI politikoak ostiral honetan egingo du bilera eta litekeena da adituek proposatutako neurriak onartzea.
Gaur gaurkoz, eta aipatu irizpidea indarrean egongo balitz, hauek izango lirateke konfinatuta egongo ziren udalerriak:
ARABA
- Ez dago udalerririk 400 kasutik gorako intzidentzia-tasa metatua duenik.
BIZKAIA
- Elorrio (725,03)
- Ermua (724,14)
- Muskiz (454,61)
- Ondarroa (420,22)
GIPUZKOA
- Beasain (805,93)
- Lazkao (1207,39)
- Ordizia (844,09)
Herri txikietan -5.000 biztanletik beherakoak-, berriz, ez dute aurreratu irizpide bera ezarriko luketen edo ez. Eusko Jaurlaritzaren arabera, udalerri horietan murrizketa berriak aplikatzeko "Osasun Publikoko Zuzendaritzak markatutako balioak" hartuko lituztekete kontutan.
Egun, 35 dira 400 kasutik gorako intzidentzia-tasa metatua gainditzen duten herri txikiak:
Araban: Arraia-Maeztu, Aiara, Berantevilla, Eltziego, Elvillar, Iruña Oka, Guardia, Leza, Moreda, Navaridas, Okondo, Urkabustaiz, Villabuena eta Zigoitia.
Bizkaian: Aulesti, Fruiz, Galdames, Ibarrangelu, Izurtza, Mallabia, Nabarniz, Plentzia eta Zamudio.
Gipuzkoan: Amezketa, Antzuola, Ataun, Baliarrain, Berrobi, Legorreta, Lizartza, Mutiloa, Olaberria, Orendain, Zaldibia eta Zegama.
