Gizartea
Koronabirusa
Hildako bat koronabirusagatik eta 52 positibo Nafarroan
EITB Media | Agentziak
Positibotasun tasak apur bat behera egin du, proba gehiago egin dituzten arren. Atzeman dituzten 52 positiboen erdiak baino gehiago Iruñean zenbatu dituzte.
-
Osasun langile bat PCRak egiteko materialarekin. Argazkia: EFE
Nafarroan beste pertsona bat hil da azken egunetan koronabirusaren ondorioz, eta atzo 52 positibo detektatu zituzten, 2.295 test egin eta gero. Positibotasun-tasa egonkor mantendu da: astelehenean % 2,5ekoa izan zen eta atzo % 2,2koa.
Hala, hirugarren egunez, 50eko langaren inguruan izan dira kasuak. Duela astebeteko datuekin alderatuta, bost gutxiago dira, eta duela bi astekoekin erkatuta, 26 gutxiago.
Asteon hildako laguna 31 urteko gizonezkoa da. Guztira, 1.111 pertsona hil dira Nafarroan pandemia hasi zenetik. Halaber, 51.902 dira kutsatutakoak.
Bestalde, 74 paziente dauden ospitalean, bezperan baino bost gutxiago. Atzo beste bi pertsona ospitaleratu zituzten. Zaintza berezietarako unitatean 16 pertsona daude, eta beste zazpi etxean ospitaleratuta.
Positibien % 70 Iruñean eta inguruko udalerrietan antzeman dituzte. Tutera inguruan % 12 detektatu dituzte, eta Lizarraldean % 6.
Osasunbideako 13.000 profesionalen artean, bost langile daude kutsatuta eta azken astean beste lau beharginek eman dute positibo.
Positibo berriak kontuan hartuta, kutsatutakoen bataz besteko adina 34 urtekoa da.
