Gizartea
Getxo
Gizon bat atxilotu dute hilketa egotzita, Arrigunagako gorpuzkiekin lotura duelakoan
EiTB MEDIA
Dirudienez, Barakaldon atxilotu dute gizona, nahiz eta oraingoz Ertzaintzak ez duen horren gaineko datu gehiagorik eman.
-
Ertzaintza, Arrigunaga hondartzan, giza gorpuzkiak bilatzen
Astelehen goizaldean 51 urteko gizon bat atxilotu du Barakaldon Ertzaintzak, urtarrilean Arrigunaga hondartzan (Getxo) eta Bilboko itsasadarrean aurkitutako giza gorpuzkiekin zerikusia izan dezakeelakoan. Ertzaintza hainbat egunez aritu zen inguru horretan bilaketa lanetan.
Segurtasun Sailak jakitera eman duenez, Bizkaiko Ikerketa Kriminalaren Sailak egindako azterketa sakonaren ostean atxilotu dute gizon hori. EITBk jakin ahal izan duenez, atxilotuak lokal bat partekatzen zuen biktimarekin.
Antza denez, Barakaldon atxilotu dute, nahiz eta oraingoz ez duten horren gaineko datu gehiagorik eman.
