Gizartea
Koronabirusa
100 salaketa baino gehiago Iruñean covid-19aren kontrako neurriak ez betetzeagatik
EITB MEDIA
Udaltzaingoak 108 salaketa jarri ditu guztira asteburu honetan, horietako 13 establezimendu publikoen aurka.
-
Iruñeko Udaltzaingo bi terrazak gainbegiratzen. Argazkia: EFE
Iruñeko Udaltzaingoak 108 salaketa ipini ditu asteburu honetan covid-19aren aurkako araudia ez betetzea egotzita, horietatik 13 establezimendu publikoen arduradunen kontra. Gainerako salaketek debekatutako jokabideak zigortu dituzte; hiriko zenbait tokitan kalean edateko gelditzeagatik edota lokal batean festa egiteagatik, besteak beste.
Bestalde, Iruñean asteburu honetan 6 gidarik positibo eman dute alkoholemia-proban; batek, Taxoare kalean errepidetik atera ondoren. Horietako bi, gainera, ikerketapean daude gidabaimenik indarrean duten argitzeko. Gainerakoak salatu egin dituzte.
