Gasteizko Judimendi HLHIk hezkuntza-jarduera presentziala eten du

EITB MEDIA

Publikatuta: 2021/02/03 14:46 (UTC+1) Azken eguneratzea: 2021/02/05 13:09 (UTC+1)

Gasteizko zentroak bertan behera utzi du aurrez aurreko hezkuntza-jarduera, 12 ikasgeletan covid-19 kasuak atzeman ostean. Gaur egun, 203 ikasgela daude itxita EAEn.

Judimendi HLHI. Argazkia: Judimendi HLHI

Whatsapp
Whatsapp
telegram
twitt
Bidali
Esteka kopiatu

Albisteak (2)

Gasteizko Judimendi Haur eta Lehen Hezkuntzako zentroak (180 ikasle ingurukoa) bertan behera utzi du aurrez aurreko hezkuntza-jarduera, 12 ikasgeletan covid-19 kasuak atzeman ostean. Judimendi da EAEn covid-19agatik itxita dagoen ikastetxe bakarra.

Eusko Jaurlaritzako Hezkuntza Sailak gaur 12:00ak arte eguneratutako datuen arabera, 203 gela daude itxita Euskadin, aurreko egunean baino zortzi gutxiago. Ikasgelaren bat itxita duten zentroak 121 dira, aurreko egunean baino 14 gutxiago.

EAEko hezkuntza sistemak 2020-2021 ikasturtean dituen 17.554 ikasgelen (bi urte eta unibertsitatez kanpoko hezkuntza artekoak) % 1,16 itxita daude.

Kontuan izan osasun agintariek koronabirusaren aurrean eman dituzten aholkuak. Albiste faltsuak zabaldu dira; beraz, agintariek emandakoei bakarrik egin kasu. Gaitzaren sintomarik baduzu, EAEn bizi bazara, osasun-zentrora deitu, eta zalantzarik izatekotan, Osasun Batzordearen telefonoa duzu eskuragarri: 900 20 30 50. Nafarroan bizi bazara, berriz, Osasun Batzordearen telefonora dei dezakezu: 948 290 290. Gogoratu COVID-19a ez hedatzeko modurik eraginkorrena eskuak sarri garbitzea dela. Ahoa estaltzeko maskarak derrigorrezkoak dira EAEn eta Nafarroan. Iparraldean, "espazio publiko itxietan" da derrigorrezkoa, baita Lapurdiko herri eta hiri nagusietan ere.