Gizartea
Marta del Castillo auzia
Poliziak Carcañoren jakan Martaren odol arrastoak zeudela esan du
Erredakzioa
Saioan taxista batek ere deklaratu du. Martaren hilketa jazo zen gauean Carcañoren anaia Leon XIII.eko etxera eraman zuela ziurtatu du.
-
Marta del Castilloren hilketaren auziko saio bat. Argazkia: EFE
Halaber, Miguel Carcañok Marta hilik zegoen ala ez baieztatzeko erabili zuen tentsioa hartzeko aparatuan "biktimaren eta hiltzailearen DNA laginak" atzeman zituztela adierazi du.
Halaber, gaurko saioan taxista batek deklaratu du. Martaren hilketa jazo zen gauean Francisco Javier Delgado Leon XIII.eko etxebizitzara eraman zuela esan du, eta "erabat ziur" dagoela azpimarratu du.
Taxistak deklaratu duenez, urtarrilaren 25ean, gaueko 00:15 aldera eraman zuen Carcañoren anaia hilketa jazo zen etxebizitzara, gorpuaz desegin ziren garaian, alegia.
Gertakariaz hurrengo egunean jabetu zela adierazi du, baina joan den azaroaren 10a arte ez duela kontatu azaldu du susmagarria atxilotuta zegoela ikusirik bere testigantza ez zela beharrezkoa uste zuelako.
