Gizartea
Noos auzia
Urdangarini ez zaio tratu bereizgarririk emango, Pumpidoren arabera
Erredakzioa
Estatuko fiskal nagusiak adierazi duenez, Ministeritza Publikoa gainerako auzietan bezala ari da lanean eta Urdangarin inputatua izan ez dadin ez dutela errege-etxetik inolako presiorik jaso esan du.
-
Candido Conde-Pumpido Estatuko fiskal nagusia. Argazkia: EFE
Candido Conde-Pumpido Estatuko fiskal nagusiak adierazi duenez, ez dute Iñaki Urdangarin Palmako dukeak zuzendutako Noos Institutuaren ustezko ustelkeria kasuaren ikerketa dela eta inolako presiorik jaso, eta Fiskaltzak ez duela beste auzi batzuekin alderatuta, desberdin jokatuko azpimarratu du.
Conde-Pumpidok azaldu duenez, Ministeritza Publikoa "zorrotz" ari da lanean.
Ministeritza Fiskalak azaldu duenez, hau ez da "tratamendu ezberdina merezi duen kasua", eta Fiskaltzak lan egiteko irizpide berak erabiliko dituela gaineratu du, "beti bezala, zorroztasun eta legezkotasunaren barnean".
Erregeak eta haren oinordekoak gai judizialetan babes berezia duten arren, Urdangarinek ez duela abantaila hori nabarmendu du.
Urdangarin auzipetu moduan deklaratzera bidaltzearen inguruan galdeginda, Balearretako ustelkeriaren aurkako fiskalak Bartzelonan, Noos Institutuan, lehengo astean konfiskatutako dokumentazio guztia aztertzen ari direla esan du. Undargarin eta Diego Torres haren kidearekin lotutako enpresa guztiak ari dira aztertzen.
