Nafarroak 182 positibo berri atzeman ditu

E.G. | EITB MEDIA

Publikatuta: 2021/01/08 09:31 (UTC+1) Azken eguneratzea: 2021/01/08 09:35 (UTC+1)

Azaroaren 13tik zenbatutako kasu kopuru handiena da. Positibotasun tasa apur bat igo da: % 6,6tik % 6,8ra.

Nafarroako Klinika Unibertsitateko ZIU gela bat. Artxiboko argazkia: EFE

Whatsapp
Whatsapp
telegram
twitt
Bidali
Esteka kopiatu

Albisteak (1)

Baheketa masiboa egingo dute ostegunean eta ostiralean Erriberrin

Kasuak goraka Nafarroan. Ostegun honetan 182 kutsatze berri atzeman dituzte 2.666 proba (PCR eta antigenoak) egin ostean, Foru Gobernuak emandako behin-behineko datuen arabera.

Bezperan baino 43 kasu gehiago dira, eta azaroaren 13tik zenbatutako kopururik altuena (orduko hartan 209 kutsatze izan ziren). Positibotasun tasari dagokionez, ordea, igoera ez da horren handia izan: % 6,6 izatetik % 6,8ra igaro da.

Kasu gehien pilatu dituzten gune edo udalerriei dagokienez, Tutera da zerrendan aurrena, 12 kutsatzerekin; ondoren dator Viana, bederatzirekin. Iruñeko Mendillorri eta Azpilagaña auzoetan zortzina positibo zenbatu dituzte.

Baheketa masiboa amaituko dute Erriberrin

Nafarroako Gobernuaren Osasun Departamentuak baheketa masiboarekin jarraituko du gaur Erriberrin, azken egunetan koronabirusaren eraginak nabarmen gora egin duela atzeman ostean.

Kontuan izan osasun agintariek koronabirusaren aurrean eman dituzten aholkuak. Albiste faltsuak zabaldu dira; beraz, agintariek emandakoei bakarrik egin kasu. Gaitzaren sintomarik baduzu, EAEn bizi bazara, osasun-zentrora deitu, eta zalantzarik izatekotan, Osasun Batzordearen telefonoa duzu eskuragarri: 900 20 30 50. Nafarroan bizi bazara, berriz, Osasun Batzordearen telefonora dei dezakezu: 948 290 290. Gogoratu COVID-19a ez hedatzeko modurik eraginkorrena eskuak sarri garbitzea dela. Ahoa estaltzeko maskarak derrigorrezkoak dira EAEn eta Nafarroan. Iparraldean, espazio publiko itxietan, garraio publikoan eta udalerri eta hiri nagusietan da derrigorrezkoa.