Gizartea
Koronabuloak
Ez, Espainiako Gobernuak ez du ukatzen txertoa dagoenik eta baimenak dituela
M. G. | EITB MEDIA
Sarean zabaldu den mezu batean Osasun Ministerioaren testu bati egiten zaio erreferentzia, gaurkotu gabeko testu bati, txertoaren azken urratsak jasotzen ez dituena. Dagoeneko gaurkotu dute testua.
-
Sarean zabaldutako informazio faltsua. Argazkia: EiTB
Sarean zabaldu den mezu batek kontrakoa esaten duen arren, Espainiako Gobernuak ez du ukatzen covid-19aren aurkako txertoa dagoenik, kontrakoa baizik, baimen eta berme guztiak dituen txerto bat badagoela esaten du, eta herritarren artean banatzen ari dela jada.
Internetez zabaldu den mezu batean Osasun Ministerioaren testu bati egiten zaio erreferentzia, gaurkotu gabeko testu bati, koronabirusaren aurkako txertoaren azken urratsak jasotzen ez dituena.
Hauxe esaten du VOSTEuskadik helarazi digun gezurrezko mezuak: "ESPAINIA, ERRESISTENTZIA, ARRETA, AHAL DUZUEN GUZTIA ZABALDU, MESEDEZ: Begiratu Osasun Ministerioaren Informazioa (gaur gaurkoz, 2020/12/27): 'UNE HONETAN EZ DAGO COVID-19AREN AURKAKO TXERTORIK BAIMENDUTA EUROPAN' Haiek esaten dute. Babestu egiten dira. Inork ez dezala esan ez genuela ohartarazi. Ez da arduradunik egongo. ANTZERKI BAT DA GUZTIA. Egiazta ezazu zerorrek: (argitalpen zaharkitu baten esteka). Orain badakizula, TXERTOA HAR EZAZU AUSARTZEN BAZARA".
Es FALSO! Está circulando este mensaje sobre la no existencia y autorización de la vacuna contra la #COVID19. El texto de la web de @sanidadgob al que hace referencia, se ESTÁ ACTUALIZANDO y en las próximas se publicará el contenido actualizado. @eitbNoticias #desinformación. pic.twitter.com/gDBbbkZl5G
— VOSTeuskadi (@VOSTeuskadi) December 28, 2020
Espainiako Gobernuaren eta txertoaren aurka asmo txarrez zabaldutako mezua dagoeneko gezurtatu du Espainiako Gobernuak ere, gaurkotu baitu txertaketari buruzko eta txertoak baimena jasotzeko prozesu osoari buruzko informazioa webgunean.
¿Estrategia de Vacunación
— La Moncloa (@desdelamoncloa) December 28, 2020
¿Etapas por grupos de población
¿Beneficios de la vacuna
Toda la información oficial sobre el proceso de vacunación frente al #COVID19 en España la puedes consultar ahora en nuestra web
¿¿https://t.co/zN8gAHJ8wW#YoMeVacuno
EiTBk, #Koronabuloak ekimenean, Maldita.es-ekin, VOSTEuskadi Euskadiko Boluntario Digitalen Elkartea ere du bidelagun, koronabirusaren inguruan sortzen diren buloak geldiarazteko, eta Eva Caballerok Radio Euskadin zuzendu eta aurkezten duen La Mecanica del Caracol dibulgazio-saioko komunitate zientifikoaren laguntza ere badu. Gainera, EiTBk erabiltzaileen abisuak jasotzen ditu, 600 900 454an, alegia, #Koronabuloak ekimeneko WhatsApp zenbakian.
