Positibo tasa % 5,7ra igo da EAEn, 410 kasu berri erregistratu ondoren

Mikel Dominguez | EITB Media

Publikatuta: 2020/12/25 13:03 (UTC+1) Azken eguneratzea: 2020/12/25 13:03 (UTC+1)

Aurreko astean % 3 inguruan egon zen tasa, baina Eguberri egunean % 5eko langa igaro du, 7.217 proba egin ondoren.

PCR proba. Artxiboko argazkia: EFE.

Whatsapp
Whatsapp
telegram
twitt
Bidali
Esteka kopiatu

Albisteak (1)

124 positibo berri atzeman dituzte Nafarroan, azken asteetako kopururik altuena

Informazio gehiago (2)

Azken orduetan 410 covid-19 kasu berri erregistratu dira Euskal Autonomia Erkidegoan. Aurreko egunean (427) baino apur bat gutxiago zenbatu dira, beraz, baina positibotasun tasa altuagoa da. % 5,7ekoa da.

Eusko Jaurlaritzaren Osasun sailaren datuen arabera, ostegunean 7.217 proba diagnostiko egin ziren guztira, PCRak eta antigenoak zenbatuta.

Lurraldeka, 218 positibo Bizkaian erregistratu dira, 124 Gipuzkoan eta 63 Araban. Bost kasu EAEtik kanpokoak dira.

Ospitaleen egoerari dagokionez, 39 pertsona ospitaleratu dituzte azken orduetan covid-19agatik, eta zainketa intentsiboetako unitateetan 89 pertsona daude.

Eusko Jaurlaritzak astelehenean emango ditu udalerrien eta R0 indizearen gaineko datuak.

Nafarroa

Nafarroako Foru Erkidegoan 104 covid-19 kasu berri eta % 5,3ko positibo tasa erregistratu dira.

Kontuan izan osasun agintariek koronabirusaren aurrean eman dituzten aholkuak. Albiste faltsuak zabaldu dira; beraz, agintariek emandakoei bakarrik egin kasu. Gaitzaren sintomarik baduzu, EAEn bizi bazara, osasun-zentrora deitu, eta zalantzarik izatekotan, Osasun Batzordearen telefonoa duzu eskuragarri: 900 20 30 50. Nafarroan bizi bazara, berriz, Osasun Batzordearen telefonora dei dezakezu: 948 290 290. Gogoratu covid-19a ez hedatzeko modurik eraginkorrena eskuak sarri garbitzea dela. Ahoa estaltzeko maskarak derrigorrezkoak dira EAEn eta Nafarroan. Iparraldean, espazio publiko itxietan, garraio publikoan eta udalerri eta hiri nagusietan da derrigorrezkoa.