Gizartea
Koronabirusa
Jaurlaritzak dio inzidentzia "oso azkar" ari dela jaisten, baina helburutik urrun
eitb.eus
Azken 5 egunetan inzidentzia egun bakoitzean 25 puntu jaitsi dela, 668 arte, azpimarratu du Garitanok, baina transmisioa oraindik "oso altua" dela.
-
Gente paseando en Durango. Foto: Efe
Ignacio Garitano Osakidetzaren eta Osasun Sailaren Zaintza eta Kontrol Programako koordinatzaileak adierazi du "oso azkar" ari dela jaisten inzidentzia tasa EAEn; azken 5 egunetan, egun bakoitzeko, 25 puntu jaitsi dela, 100.000 biztanleko 668 kasura arte.
Hala ere, "transmisioa oso altua" dela eta "helburuetatik urrun" daudenez, oraindik "prebentzio neurriei eutsi" behar zaiela azpimarratu du.
Ospitaleetako egoerak ere hobera egin omen du, izan ere, duela bi aste egunero batez beste 71 pertsona ospitaleratzen zituzten COVID-19agatik, eta orain 49koa da kopuru hori. ZIUen egoera, baina, "kezkagarria" omen da, 141 gaixorekin, oheen % 44 koronabirus gaixoek baitituzte.
Garitanok berretsi du egoera duela aste batzuk baino hobea dela, eta "ikusiko" dela zer gertatzen den datozen egunetan.
Lurraldeka, aipatu du "normala" dela kasu gehien izan dituztenetan, Bizkaian eta Gipuzkoan, beherakada nabarmenagoa izatea Araban baino, gorakadaren pareko beherakada izan ohi delako.
