Gizartea
Koronabirusaren semaforoa
Egoerak hobera egin du Abadiñon, Elorrion, Hondarribian eta Zumaian
eitb.eus
Eremu gorritik atera dira azken orduetan Abadiño, Hondarribia eta Zumaia. Gainera, Elorriok maila laranjatik horira doan langa gainditzea lortu du.
-
Argazkia: eitb.eus
Asteazken honetan 59 udalerri daude eremu gorrian Euskal Autonomia Erkidegoan, COVID-19ak Euskadin herriz herri izandako eragina aztertzen duen Eusko Jaurlaritzako Osasun Sailaren semaforoaren arabera. Abadiño, Hondarribia eta Zumaia eremu gorritik atera dira azken orduetan. Gainera, Elorriok maila laranjatik horira doan langa gainditzea lortu du.
Gipuzkoan dago egoera larrien, 32 udaleri baitaude gorriz: Andoain, Aretxabaleta, Arrasate, Astigarraga, Azkoitia, Azpeitia, Beasain, Bergara, Deba, Donostia, Eibar, Elgoibar, Errenteria, Hernani, Lasarte-Oria, Lazkao, Legazpi, Lezo, Mutriku, Oiartzun, Oñati, Ordizia, Orio, Pasaia, Tolosa, Urnieta, Urretxu, Villabona, Zarautz eta Zumarraga.
Halere, egoerak hobera egin du lurralde horretan azken orduetan, eta Hondarribiak eta Zumaiak eremu gorritik laranjara salto egitea lortu dute.
Bizkaian, 26 herri daude eremu gorrian, atzo baino bat gutxiago: Abanto, Arrigorriaga, Berango, Bilbo, Balmaseda, Barakaldo, Berango, Durango, Erandio, Ermua, Etxebarri, Galdakao, Getxo, Gueñes, Gorliz, Leioa, Lekeitio, Mungia, Muskiz, Ortuella, Portugalete, Trapaga, Santurtzi, Sestao, Sopela, Zalla eta Zornotza.
Laranjaz margotuta daude, berriz, honakoak: Abadiño, Bermeo, Derio, Durango, Elorrio, Gernika eta Ondarroa.
Eremu horian ere bada udalerri bat: Elorrio.
Arabari dagokionez, aldaketarik ez azken orduetan: Agurainek eta Laudiok kolore laranjari eutsi diote, baina Gasteizek, aldiz, oraindik ez du lortu eremu gorritik irtetea. Amurriok hori jarraitzen du.
Jaurlaritzak Europar Batasunak (EB) onartutako koloreen mapa egokitu du, eta azken 14 egunetan metatutako eragin-tasaren arabera sailkatu ditu EAEko udalerriak. Zehazki, semaforo horrek kolore berde, laranja, hori edo gorriarekin sailkatzen ditu 5.000 biztanletik gorako udalerriak, azken bi asteetan hautemandako koronabirus kasu berrien arabera. Zehazki, koloreak horrela erabiltzen dira:
